"لا المدامع وقفتنا ولا الحكايات الحزينة"
Thread

بدت عقد الجلاد من داخل فرقة السمندل بأعمال لعثمان النو،قال انو كان محتفظ بأعمالو دي و ما عايز يديها لفنان لانو عايز يكون فنان عندو تاثير و ليس منتوج فقط

عثمان النو كان بفتكر انو فرقة حتقدر توصل ليهو افكارو و اسلوبو افضل من انو الاعمال تتوزع على فنانين و قال
"عندما اوزع اعمالي على فنانين سأصبح محدودا و يصبح التعرف علي عن طريق الملامسة...اما كفرقة فستصبح صخرة يصعب تحطيمها"

سنة 1983 دعا عثمان النو مجموعة من الفنانين و طلاب معهد الموسيقى والمسرح لأداء عملو الجديد أمونة بت حاج أحمد،و بعد كدة طرح فكرة انو المجموعة دي تظل ثابتة و تأدي اعمالو

أمونة بت حاج احمد (أول اداء 1984)

طلب عثمان من اعضاء السمندل يعزفو معاو في المجموعة الجديدة دي مع انو عثمان جمع اكتر من 31 فنان لكن حصلت فترة ركود خلت عدد الفنانين يتساقط لحدي ما بقو:
منال وشمت وأنور ومجاهد وعوض الله وعثمان النو
ديل الكانو بمثلو عقدالجلاد ظهورها الأول

الاسم الأول كان (اثروج) من تراث الشلك، وكان من اقتراح الزميلة الراحلة زينب عبدالمجيد.
اسم عقدالحلاد كان فكرة اماني قنديل،طالبة من الجمعية الطبية كانت معاهم في معهد الموسيقى والمسرح
"الجلاد جلد ذو رائحة زكية،قيل من جلد الغزال أو القط البري ترتديه النساء في الجرتق"

في ديسمبر 1988 سجلت المجموعة سهرة في التلفزيون السوداني و لاقت نجاح كبير و كانت دي بداية النشاط الفعلي لعقد الجلاد، بعدها بدأت المجموعة في اقامة حفلات جماهيرية كانت (لكن هسة ما للدين) من أكثر الحفلات جماهيرية في السودان

عوض الله بشير(عضو مؤسس) في أول ظهور تلفزيوني لعقد الجلاد

ازهري عبدالقادر عن بدايات الغناء الجماعي في السودان و عقد الجلاد

"قلبي عليك يمور يا قارب البلور"

"مرة شافت في رؤاها
طيرة تاكل في جناها
حيطة تتمطا و تفلع في قفا الزول البناها
فسرت للناس رؤاها و قالو جنت و ما براها"

"امونة شن بتشوفي
يا عيوني شن بتشوفي"

"زارنا حتى إذا ما سرنا بالقرب زال
طيفك يا حبيبنا"

"لو بس تطول يا ليل و تزيد جمال النيل"

"احاسيسك بتتكمل
غنيواتك بتتبارك
مع الأيام وتتكمل
بفارقك والزمان اجمل عشان تشعل ملامحي ضياك
كل ما نجيمة تتحول
عشان تفضل ملامحك في زي ما كنتي في الأول"

شمت في أول تعاون لعقد الجلاد مع عاطف خيري

"يا ساسة يا اب ساحوتة"

"يات من كان يجي جعلتو لي صليح
عقرب حز لي و يا نفسي زين و مليح"

"ﻓﺎﻃﻤﻪ ﺑﻨﺖ ﺍﻟﻨﺒﻲ
ﻧﻮﺭ ﺍﺑﻮﻛﻲ ﺯﻱ ﺍﻟﻘﻤﺮ
ﻣﺎﺑﻨﺨﺒﻲ
ﻭﺍﻟﺸﻘﻲ ﻣﺎﺑﻨﺴﻌﺪ
ﻭﺍﻟﺤﺴﻴﻦ ﺟﺪﻩ ﺍﻟﻨﺒﻲ
ﻭﺍﻟﻨﺒﻲ ﻃﺎﻟﺐ ﺍﻟﺬﻛﺮ
ﻓﻘﺮﺍ ﺷﻴﻠﻮﺍ ﺍﻟﺠﻼﻟﻪ
ﻟﻌﻠﻲ ﻭﺩ ﺯﻛﺮﻳﺎ
ﻭﺍﻟﺮﺳﻮﻝ ﺧﻴﺮ ﺍﻟﺒﺮﻳﻪ"

"يا مشاوير ضيعيني
جدِدي الزاد للمشاوير الشقية
توهي النور و بدِديهو
خلي إظلامك يغيب كل لحظة فرحة فيا"

فنحان جبنة بي شمالو يسوى الدنيا بي حالو

الهدمو مترب و قلبو نضيف
لا تسألني عن حب وطني الفقران و غني

اللهم صلي على النبي الأواب

يوم الوعد
والدنيا غيم
و حليوة جد جد يا ولد
قول للبلد قايل غناوي الحزن ليش
شايل مساديرك مجامر دمع ليش

في الزمن المكندك والحزن الإضافي
جينا نقول نفرق نجي نلقاهو مافي

الغنية دي سمحة شديد انا ما عارفة اتغنت مرة وحدة هنا بس لي

الفيديو دا زابط جدا

الخير احمد آدم

و ختاماً