الأسبوع ده كل سنة ميعاد مهرجان ابريل Feria de Abril

حقيقي، في رأيي ده احلى اسبوع في السنة

تخيل مدينة كاملة تحتفل ٧ ايام متواصلة، ٢٤ ساعة في اليوم - كل الناس، كل الاعمار، كل المستويات

السيدات كلها لابسة فساتين، الرجال لابسين بدل، الكل بيحتفل في غاية الأناقة

دي قصة الاحتفال...

الموضوع بدأ من ١٥٠ سنة لما المزارعين من القرى المجاورة كانت بتروح كل ربيع سوق سيڤييا لبيع البقر والثيران بتاعتهم
وعلشان مش من المدينة كانوا يقيموا في خيام خارجها حول السوق

الصبح السوق، وبالليل غناء ورقص واكل لغاية الصبح

الاحتفال ده امتد الى الان واصبح اسمه فيريا اختصارًا للاسم

المزارعين كانو بيحضرو للمدينة بملابسهم التقليدية معهم زوجاتهم وكل أبنائهم

كل عائلة او ابناء قرية لهم خيمة بتاعتهم ومعهم مطربهم واغانيهم

وكان طبعا موسم بينهم للبحث عن عريس او عروسة لأولادهم،
واصبحت الأناقة في الملابس بين السيدات والرجال مهمة للفت الانتباه https://abs.twimg.com/emoji/v2/... draggable="false" alt="💃🏼" title="Tanzende Frau (mittelheller Hautton)" aria-label="Emoji: Tanzende Frau (mittelheller Hautton)">https://abs.twimg.com/emoji/v2/... draggable="false" alt="🕺🏼" title="Tanzender Mann (mittelheller Hautton)" aria-label="Emoji: Tanzender Mann (mittelheller Hautton)">

عدت السنين والاسبوع بقى مشهور والاحتفال كبر

شوية واصبح لا علاقة له بمزارعين ولا سوق بعد ما تبناه اهل المدينة بجنون وبقى يحضره ملك اسبانيا وملوك ورؤساء اوروبا كل سنة

الآن من اشهر احتفالات اسبانيا وبقى له نسخ اصغر في مدن اخرى زي مالاجا في شهر اغسطس او في المدن الصغيرة حول سيڤييا

كل سنة الناس فعلا بتبقى منتظرة الاسبوع ده، كل الاعمار وكل المستويات، الناس بتنسي مشاكلها وتقضي اسبوع كامل مفرفشة

انا كمان كنت بروح كل يوم بعد الشغل واقابل اصحاب ومعارف وجيران وناس من الشغل، مش بقعد لغاية الصبح بس في كثير اعرفهم كانو فعلا بياخدوا كذا يوم اجازة في الأسبوع ده

الأسبوع اصبح بيعمل دخل للمدينة مليار دولار كل سنة، بين ارتفاع في الايجارات خلال الاسبوع، فنادق كاملة العدد، وظائف، رسوم، تجارة

كل المدينة بتشارك، ورسميا يوم الثلاثاء او الاربعاء بيبقى اجازة رسمية في كل المدينة علشان يدي الناس فرصة تحتفل براحتها

فساتين السيدات والاكسسوارات بتتحضر من فبراير
كل واحدة بيبقى عندها كذا فستان، لان مش حتروح الاسبوع كله بنفس الفستان
وكمان موضة الفساتين بتتغير كل سنة
وفستان السنة اللي فاتت مينفعش السنة دي

الفستان بيتفصل، الاقتصادي يبدأ من ٣٠٠ يورو ويصل لاكثر من ١٠٠٠

البنات بتبدل الفساتين مع بعض

الرجالة الوضع اسهل، كل يوم لازم بدلة وكرافتة، وطبعا كل يوم بدلة مختلفة علشان يبقى مُبهر للكل

الاحتفال اسبوع بلا توقف ٢٤x٧

الناس بتروح الشغل متأخر وتمشي بدري على البيت ساعتين راحة وبعد كدة تطلع على الفيريا لغاية ٣ او ٤ الصبح كل يوم وطبعا في اللي بيطبق او في اجازة طول الأسبوع

مكان الاحتفال لغاية النهاردة عبارة عن خيام مؤقتة للأسبوع ده بس

كل خيمة (اسمها كاسيتا) لها اسم وتخص عائلة او مجموعة من الناس او شركة حكومية او خاصة او نادي رياضي

لو اسمك مش على الباب كفرد من العائلة او لك صلة بالمجموعة صاحبة الكاسيتا مش حتقدر تدخل الا لو حد من جوة دعاك للدخول

السنة دي والسنة اللي فاتت للاسف مفيش فيريا بسبب الكوفيد

وده مش بس له اثر على نفسية الناس اللي بتعشقه، لكن كمان له اثر على اقتصاد المدينة، خياطين وخياطات الفساتين والبدل، الناس اللي كانت بتشتغل ولو مؤقتا في خلال الاسبوع، بجانب طبعا انخفاض دخل الايجارات والفنادق والمحلات والمطاعم