Read on Twitter
مو محتواي لكن لأني شخص عانى من هالشي فحبيت اسوي ثريد واتكلم عنه اليوم 22 اكتوبر ويوافق اليوم العالمي للتأتأه فراح اتكلم عن التأتأه وعن طريقة التعامل مع الشخص المتأتئ
في البداية للي ما يعرف التأتأه هي إضطراب كلامي سواءً عن طريق التكرار اللاإرادي او إطالة في العبارات او الكلمات و احيان تكون توقفات صامته لاإرادية او عدم قدرة على إنتاج صوت
الشي اللي عانيت منه ومتأكد عانوا منه اغلب المتأتين هو تعامل الناس معهم واحيان توصل للوقاحه مثل التنمر والاستهزاء بطريقة كلامهم والشي هذا بحد ذاته عقبه للي يبي يتجاوز او يتعايش مع تأتأته وعشان هالشي حبيت اتكلم عن طريقة التعامل مع الشخص المتأتئ
أولًا لا تحاول تكمل للمتأتئ كلامه بالنيابه عنه لأن هالشي محرج له وعطه وقت عشان ينطق كلامه بالكامل بدون ما تتدخل
لا تصحح له كلامه او تطلب منه يعيد الكلام لأنه غالبًا يكون متوتر وهالشي يزيد التوتر وأساسًا كل ما زاد التوتر زادت التأتأه
حاول انك ما تعطي تعابير او ابتسامة او ردة فعل على تأتأته
بالنهاية عارف ان الاغلب ما يهتم لكن اتمنى الناس تعرف عن هالشي اكثر وتتثقف خصوصًا بطريقة التعامل مع المتأتئ واتمنى فيه ناس استفادت واللي مهتم اكثر يقدر يروح يقوقل ويقرأ اكثر وراح يعرف اكيد
