Read on Twitter
ثريد عن الغلطات اللي بنعملها في ال skincare routine.
١) غسيل الوش بسرعة. المفروض الوش بيتغسل بين ١٠ ثواني ودقيقة بس مش اكتر من دقيقة عشان البشرة تنضف
١) غسيل الوش بسرعة. المفروض الوش بيتغسل بين ١٠ ثواني ودقيقة بس مش اكتر من دقيقة عشان البشرة تنضف
٢) استخدام ال physical scrubs اللي فيهم حبيبات. في كلام كتير عن الموضوع دة بس معظم المتخصصين في الموضوع بينصحوا بتجنبهم عشان بيعملوا micro tears في البشرة. طبعا في أنواع احسن وكل ماالحبيبات كانوا اصغر كل ماكان احسن بس في العموم فرشة وش + غسول احسن بكتير واحن ع البشرة
ومعاهم ال chemical peeling اللي هو aha و bha. الاتنين acids وبيعملوا حاجات مختلفة. الاتنين مختلفين وفي ماركات كتير بتعمل الاتنين مع بعض (The ordinary الاحمر) او ممكن AHA لوحده (Lactic acid). ال peels دي بيشيلوا الجلد الميت وبينضفوا المسام بمرور الوقت ويعدلوا لون البشرة.
انهي نوع مناسب اكتر ليه علاقة بنوع البشرة وطبعا اهم حاجة ال patch testing اللي هو تجربة المنتج في جزء من الوش ونشوف اذا كان وشنا مستحمله. دي كفاية مرة في الاسبوع بالكتير.
٣) استخدام القطن وال make up wipes كتير وبالذات حوالين العين. البشرة طبقات مختلفة والمناديل والقطن دول بينشفوا اول طبقة بزيادة وفي الاخر مضرين(قطنة واحدة مش مضرة). حتي البشرة الدهنية بيجيلها surface dryness اللي هو الطبقة الخارجية ناشفة. الوش نعامله بحنية مش دعك بعنف بقطن ومناديل
للي بيحطوا مكياج: الزيوت المزيلة للمكياج احسن حاجة واحن حاجة عالبشرة. مثلا Clinique take the day off. في ناس كتير بيستخدموا الزيوت دي غلط. المفروض يتخلطوا مع الماية يعني تحطيهم وبعدين تبلي ايديك وتدعكيهم وتشيلي ال makeup هم لوحدهم من غير الماية مش كفاية. و
وفي برضة حاجات زي دي بتتبل ونشيل بيها الميك اب وتتغسل و نستخدمها تاني. كل الحاجات دي احسن لينا وللبيئة من المناديل والقطن.
انا شخصيا بابدا بالزيت او القماشة البينك دي (باحط فيها شوية من غسولي) و بعدين اخد الغسول بالفرشة ومابيبقاش فاضل ميك اب علي وشي. الهدف اننا نشيل الميك اب بالراحة مش بعنف. غير ان ال wipes مضرين للبيئة. طبعا كل واحد حر. 
https://abs.twimg.com/emoji/v2/... draggable="false" alt="👍" title="Thumbs up" aria-label="Emoji: Thumbs up">
٤) المفروض اما نبدا الروتين الوش يبقي نضيف. شفت ناس كتير جدا بيحطوا ال toner بقطن واما يطلّع ميك اب يوريكي اكنوا بصي بيشيل باقي الميك اب. المفروض الtoner يتحط علي بشرة نضيفة. لو حطيتي تونر ولقيتي القطنة طالع فيها ميك اب يبقي ارجعي اغسلي وشك تاني. بواقي الميك اب بتسبب حبوب.
انا شخصيا بانهي غسيل وشي بحتة قطنة صغيرة عليها شوية micellar عشان أتأكد ان وشي نضيف وباخدها حوالين وشي من برة مش عيني او نص وشي عشان عارفة انهم اسهل حاجة بتنضف.
٥) شخصيا باحط الtoner في أيدي من غير قطن واحطه علي وشي علي طول ودة بيطول عمر المنتج واحن علي البشرة
٦) استخدام المنتجات في الترتيب الغلط. عامة القاعدة المنتجات الخفيفة الاول وبعدين التقيلة. اول حاجة ال toners وبعدين ال essence وبعدين ال serum وبعدين الزيوت واخر حاجة الكريم.
٦) استخدام المنتجات في الترتيب الغلط. عامة القاعدة المنتجات الخفيفة الاول وبعدين التقيلة. اول حاجة ال toners وبعدين ال essence وبعدين ال serum وبعدين الزيوت واخر حاجة الكريم.
المنتج اللي بنحطه الاول هو اللي البشرة بتستفيد منه اكتر. فاللي عايز يظبط لون البشرة يبقي اول serum هو ال vitamin C واللي عايز يحسن مظهر المسام يبدأ بال niacinamide
٧) ال pore strips دول العن حاجة حصلت. مهما عملنا مسامنا هاتتملي. الحل ان نستخدم منتجات تقلل مظهر المسام (niacinamide مثلا) وتنضفها (chemical peels) ودة بيحصل علي مرور الوقت. ال pore strips دول بيكبروا شكل المسام وبيخلوا المناخير دهنية اكتر وكلهم اضرار.
٨) مافيش حاجة اسمها المسام تفتح وتقفل دي myth مالهاش اي اساس. المسام ممكن تكبر وتصغر انما مش بتفتح وتقفل.
٩) استخدام منتجات بكمية كبيرة زي مابيعملوا في انستجرام تلاقيهم بيدلقوا الازازة كلها علي وشهم. بالكتير كام نقطة ان المنتج يدخل البشرة وخلاص. كل ما زودنا المنتج كل ما قعد علي سطح البشرة بدل مايدخل في البشرة. كل المنتجات تتحط بالراحة ونعمل massage للوش بطراطيف الصوابع و المنتج يدخل.
١٠) كل حاجة بالحنية. كل ما دعكنا جامد وبعنف البشرة هاتتعب. تحت العين بالذات بطرف الring finger كفاية. بمناسبة العين: مش كل الناس ماشي معاهم الكريمات اللي لونها ابيض تحت العين. انا شخصيا بيمشي معايا الكريمات ال gel اللي مالهاش لون. اخف ومش بيسببوا الحبوب الصغيرة (milia)
١١) ان الskincare بيتعمل قبل النوم علي طول اللي هو نحط كل حاجة ونروح نايمين علي طول دة غلط. كل اللي حطناه هايطلع عالمخدة. الروتين يتعمل عالاقل نص ساعة قبل النوم عشان البشرة تلحق تمتص اللي بيتحط عليها. والمخدة تتغير مرتين في الأسبوع عشان بقايا المنتجات بتسبب حبوب.
١٢) في ناس كتير (معظم الناس اللي بشرتها مش بيضة) عندها مناطق اغمق من باقي وشها (معظم الوقت حوالين البوق). ليهم أسباب كتير بس اكتر سبب هو الشمس. اول خطوة مش تفتيح البشرة اول خطوة حماية البشرة من الشمس بال SPF. وتفتيح البشرة (او بمعني اصح ظبط لون البشرة) بياخد وقت. مافيش منتج سحر.
١٣) لو بنستخدم منتجات مش مناسبة لنوع بشرتنا اكبر غلط. انواع البشرة مختلفة ومعظم الناس نوع بشرتها بيتغير علي حسب الجو والبيئة. انا في الصيف بشرتي combination oily وفي الشتا combination dry فا مش معني ان منتج شغال في الصيف يبقي هايشتغل في الشتا. الفتوا انتباهكوا علي بشرتكوا.
١٤) مش كل الزيوت تنفع للبشرة. في حملة essential oils كدة ودول بالذات مضرين للبشرة
١٥) في اعتقاد خاطئ ان الوش بيتغسل بالغسول بالليل بس. المنتجات اللي بتتحط بالليل ليها بواقي عالبشرة لازم تتشال الصبح قبل مانبدا الروتين بتاع الصبح.
١٥) في اعتقاد خاطئ ان الوش بيتغسل بالغسول بالليل بس. المنتجات اللي بتتحط بالليل ليها بواقي عالبشرة لازم تتشال الصبح قبل مانبدا الروتين بتاع الصبح.
١٦) شفتها كتير علي انستجرام انهم بيحطوا خمسين حاجة قبل الميك اب. الصح ان بالكتير ٣ ٤ منتجات الصبح وكلهم خفاف ولازم ندي للبشرة وقت تمتصهم. لو حطينا الskincare ورزعنا المكياج هايفضل يتحرك طول اليوم عشان اللي تحت الميك اب ماخدش فرصته يدخل البشرة. احسن حاجة تركيز معظم المنتجات بالليل
١٧) اللي بيقولوا لو المنتج بيوجعك يبقي شغال. غي منتجات (مثلا ال chemical peels) بتبقي ممكن صعبة اول استخدامو بعدها بتدي احساس معين بس مش وجع اللي هو حاسة ان في حاجة علي وشي بس مش بتوجع. لو منتج خلي البشرة تحمر كل مرة ووجع او لسع او حرق يبقي بيضر البشرة ويترمي.
١٨) حاولوا تبصوا عالمكونات وتجنبوا الاتي(العن حاجة المنتجات اللي فيها perfume وكحول): https://odacite.com/blogs/tohealthandbeauty/the-dirty-dozen-top-12-ingredients-to-avoid-in-your-skincare">https://odacite.com/blogs/toh...
مش معني ان منتج مشهور وشغال للناس انه هايشتغل معانا. كلنا بشرتنا مختلفة وبتreact للمنتجات بطريقة مختلفة. مش لازم كلنا يبقي عندنا skincare روتين خمسين منتج. في ناس حظها حلو وبشرتها مش محتاجة منتجات كتير. في ناس كتير بشرتها شغالة بصابون الايد وناس بيجيلهم حساسية منه.
الاعتناء بالبشرة مش عيب وشغل pick me girls بتوع مش فاهمة ليه الناس بيصرفوا عالبشرة وانا وشي كويس ومش باعمل حاجة يركنوا علي جنب. الف مبروك عليكوا الجينات اللي مسهلو حياتكوا بس مش كلنا كدة.
نسيت حاجة مهمة ان الغسول بيستخدم الصبح وبالليل. بواقي المنتجات اللي بنحطها بالليل لازم نشيلها قبل الروتين بتاع الصبح عشان نبدا علي نضافة.
