Read on Twitter
:- J Lalthudik Hmar
26/03/2016
26/03/2016
Unau pasari lai a anaupangtak dawttu ka nih leiin, Uongpui lei nilo chun ka hmelthat na le lekha thiem thei ve tak ka nih el bak ah, kan ureng a nuhmei kei cho ka ni leiin, ka sung hai le ka ruol tha hai chun anmi suong thei êm em a, Matric ka hung zo lem chun kohran le…
…khawtlang a, special ceremony a umchang in lawmman huoikhawm hlak tu hi ka ni vawng deu thaw a,
A mi beiseitu khawm anlo um ve nuol a, King of the Years khawm kan nei ve a, kan King chu hnam dang ana, Hnamdang ni sien khawm ka lungril a chun a special bik rieu a, KING le QUEEN chu inhme ding in ka ring bawk lei chun ka final kum chen in ka zui tah a, ka hnam chanpui le ka…
…ruol tha thenkhat hai chun Hnam dang, Culture dang, nei athat naw zie anmi hril hai chu, ama min lainat tir tu, ngainat tir tu le anmi thik lei ni ding in ka lo ring thlak leiin ka the phal bik naw a,
Pasal ka nei tah, ti ka sung hai in anhriet chun an mang ang hle el a, ka nu lem chu a tap a tap hi ani ringawt a, kan ringhma in hnam dang nuhmei, Sakhaw dang, ka lo ni ta zing a, sung le kuo hai in mi dit pui naw hai sien khawm, inhmangai taka, harsatna hai paltlang ding a…
…kan in tiem tak na lei chun kan thlatlam phal bik ta chuong naw a, Chuong chun ka ruol hai in a, kar hni lai vel kan umhnung chun ka sung han anmi ngaituo em leiin ankuom tieng a umding in ka pasal le chun anmi ko a, kan fe ve nghal a, ka nu chun a mâkpa hai tawng athiemnaw…
…leiin amakpa neisun chu kut zaizir in abiek angai chu harsa atih a, ka pasal chu suolnaw sienkhawm, Ka sung hai in hnamdang makpa annei chu milai hril rin um an ti thei em em a, (iengkim chu ka suksuol vawng antah)
Thla li(4) ka sung hai bul a kan um hnung chun, kan pa khawma…
Thla li(4) ka sung hai bul a kan um hnung chun, kan pa khawma…
…sin ahung nei ve ta a,
Inhran ah kan hung um ve ta pei a, nau hai kan hung nei hnung chun HMAR lai inlang vang vang, ka pasal tieng ah thlak kan pek zo tak tak si nawh, chuong chun hringnun sawl umtak chu ka nei ta pei a, Sakhuo na le khawtlang dan hai a chun HMAR lai a um kan nih leiin buoi tho…
…sienkhawm buoina tam a um chuong naw a, sienkhawm, ei pasal haiin ei Hmar dan ah an mi tawi-awm zo zai thei tâk naw lei chun ruol le pai hai kan hnar ngawi ngawi a, rin um ka ti tawp thei nawh, kan thlahrung thei em em bawk a, ka hmel hriet hai le ka ruoltha hai siet ni,…
…thatni hai a khawm inpha lam na tamtak in anmi bawm zing hlak a,
Chu cho ti tak lo a, Hnam dang le Hnam dang hang innei chu Khumlaizawl a titi nuom zawng khawm alo dang det det hlak a, lungkim lo na ruk rieu hi ka hau bik a, chuong hai lei chun mal êm em in kan hriet a, achang in nunghak ni nawk thei lang chu aw!
Ti dam in ka khuo hi asawt vawng vawng hlak a,
Ka pa'n athi tawm a thu ami hril hai dam ka la hrietsuok a, "Mamte, Ka naunu, ka lo suong em em che a, Ei hmar chanpui ngei lai, thlangval tha i dit dit tlang thei ding khawp in ka lo ring che a, Sienkhawm ka damsung, ka hrat lai a mani tawng a biek ding mâkpa ka nei ve naw hi,…
…aruka inun suk harsa tu a ni ngei hlak ka ring a, hi nek hin i upat hnunga rin um iti zuol ding ana, ka hang ngaituo hin ka lungril ana, sienkhawm siem that thei ding anni ta naw leiin," Ami ti chu ka lungril a tawk a, ka lungril in dik tak hril ding in mani mawnghlim neka…
…inzak um ding dang ka hriet si ta nawh,
Vanglai thar ngat a lengnawk thei nilang chu Ka hnam chanpui ka chipui, ka kalchar in angpui ngei nei ka tih, sienkhawm tuhin chu AN HNU ZO TAH
Vanglai thar ngat a lengnawk thei nilang chu Ka hnam chanpui ka chipui, ka kalchar in angpui ngei nei ka tih, sienkhawm tuhin chu AN HNU ZO TAH
This thread can be read here: https://hmangainarosepar.wordpress.com/2020/10/14/an-hnu-zo-ta-si-maw/
