#شفشاون_تتموت
أغلبية د الناس لي عايشين في مدن كبار ملهين مع قهاوي سدو بكري ، بران حيدو ليهم ترخيص أولا قاعة الرياضة سادة ... أو أنا منهم الحقيقة..
شادة الطريق مكينش لي حبسني في الرباط ( أ حقى مطريكول كازاوي تاي وقف عا لكدوب ) ، ما وقفت حتال براج القصر الكبير ..

أو سولوني على الرخصة ( لي عندي) صافي تيشوفها أو تدوز نورمال ، وصلت شفشاون أدنيا خاوية ، الطريق أو أنا غادة خاوية( شحال ديال منعطفات وااااااع ) معلينا وصلت الرياض تاي حمق، ناس ديالو حلوة ...

حطيت الرحيل أو قلت نخرج المدينة حيت الرياض جا حدى راس الماء ، شفشاون حافداها مكنتلفش فيها ..واحد الدري صغير مسكين تقادا ديال 15 عام قالي نديك بلايص فين تي تصورو ناس د إنستاغرام ،عز فيا أو قلت يا لا واخا أنا عارفة طريقي ... كلشي ساد أو هوا تي شرح ليا على المدينة

أو شكون سماها شاون.. المحل لي مولفاه نسولو إقوليا ساد .. هادا ساد ...لاخر ساد... هنا تاي بان لك effet covid آش داير فبنادم ، بروجيات د قهاوي شناوا أولا أوطيل كلشي تسد أو ناس بقات بلا خدمة أو حشمت من راسي كيف معجبنيش حال كازا أو أنا بقا بخدمتي أو بقا فالإستطاعة ديالي نسافر..

آخير محل نسولو عليه هوا باب سور كن قالي سد كون طحت ليه تما ، إلا لماكلا لا نقاش فيها ، إوا قالي مسدش غير تحول ... تفارقت مع "لعايل ستيتو " أو دخلت ناكل ... أمالك تحولتي؟ السيد بانت فيه أو قالي الوقت صعابت أو مابقا تاي جي حد ... الماكلة عندو تتحمق لي وعما فكر إمشي أو خاص تمشيو

لمدينة خاوية أو واخة تتبقا زوينة عا هيا كئيبة ( تقول عا الرباط) ، لحنوت لي دخل ليه إقول لك كورونا قتلتنا أو حنا حيين ، أبعدا مكين لا مسك لا عبور الريح .دنيا زينة أو الطبيعة... أنا نسيت كورونا تما

أما أقشور نقد نقوليكم طاعت أنا أو صحبتي + 2 دراري طالعين إكميو جوانات في pont de dieu+ كوبل لبناني يا الله مزوج أو عائلة شاونية جايا دير بيك نيك .... هادشي تاي بكي ...آخير مرة جيت و الله إلا 5 كيران عامرين ببنادم ،طاكسيات عامرين أونتا طالع خاصك توقف حيت الدنيا عامرة

ناس لي كانو خدامين في أقشور أغلبية سدو ...
شفشاون غير حالة من الحالات أو مزال سادين علينا حتى تولي القضية زبل... إيه عيجيو ناس إقولو وراه المرض خاصنا نحضيو، أنا دوزتو أو كلشي تاي بان ليا عيدوزو ... مي تتشوف شي ناس خسرو خدمة د عمر في 3 شهر أو كون غير بان العربون أحنا باقين سادين

لحصول هادشي متيفرحش و لكن راه كتبقا من أحسن الوجهات السياحية لي عندنا....