بعد غياب طويل شويه نرجع ب thread جديد بموضوع محير شويه و عليه علامات استفهام كتير..thread النهارده عن "حوريات البحر" ..و هنعرف فيه هل حوريات البحر حقيقة ام خيال..؟!
ENJOY READING..

ف الاول كده حبه اوضح ان المسميات اختلفت حول حوريات البحر..و من بعض المسميات دي..عرائس البحر او خيلان البحر او ابناء البحر او ابناء الماء او اشباح الماء ..او كما اشتهرت ب الmermaids باللاتينية..

و كلمة حورية جايه من حوراء اللي هي مفرد الحور..و اللي معناها البنت الجميلة شديدة بياض العين..و ف الانجلش بيطلق عليها mermaid..و اللي بتتكون من مقطعين mer بمعني البحر او الماء.. و maid بمعني البنت او العذراء..

نتكلم بقا عن حوريات البحر في مخيلة الناس..و اللي لو سألنا مجموعه من الناس عن حورية البحر هيبقي ردهم واحد..و هوا ان حورية البحر النص اللي فوق منها بشري..و النص اللي تحت اشبه بالاسماك..يعني بالبلدي كده ليها وش و ايد بشريه..و ذيل و حراشف زي الاسماك..

اللي كتير من الناس بيجهله و بيستغرب منه انه وفقاً للاساطير ف حوريات البحر مش اناث بس..لان كمان موجود منها الذكور..و اسماهم البعض سحرة البحر..و ظهر المسمي ده م القصص اللي اتقالت عليهم..و اللي هعرضها بالتفصيل دلوقتي..

ف الاول هتكلم عن الشرق الادني القديم و اللي يقال فيه ان اول ظهور ل حوريات البحر كان سنة ١٠٠٠ ق.م ..لما الالهة اتارجاتيس او اترعتا اللي كانت بتُعبد في شمال سوريا.. حبت واحد بشري و قتلته من غير م تقصد..

و حست بالذنب لموته و علشان كده قررت انها ترمي نفسها ف بحيرة علشان تموت نفسها..لكن اللي حصل كان عكس كده..لانها اتحولت ل سمكة..و بعدين يقال ان من كتر جمالها الميه مقدرتش تخفي جمالها الالهي ف اتحولت ل حورية بحر..

اما لو اتكلمنا عن الحورية من القصص العربية القديمة..ف هنقول ان ابرز حاجه اتكلمت عن الحوريات هوا كتاب الف ليلة و ليلة..و اللي ذكر بعض الكلام عن ناس بيعيشوا ف البحر زي جلنار بنت البحر..و حسب المفهوم العربي القديم ..

يقال ان الحوريات بشر عاديين جدا او ارضيين كما ذكر بس ليهم قدرة انهم يتنفسوا تحت الماء..و يعيشوا تحت المية..و كمان قالوا انهم يقدروا يتجوزوا م البشر عادي جدا..

اما بقا ف العصر الحديث و تحديداً ف القرن ال١٦ بدات رحلة معرفة الحوريات تزيد خاصه لما تم عرض قصة البحار الفرنسي كاميرون إليدونيالديزو..و اللي بيتقال فيها ان البحار كان في احدي جزر قبرص و شاف حورية بحر بتعوم ف المية..

ف قام بسرعه برمي شبكة الصيد عليها و مسكها..و كمان يقال ان من شدة جمالها حبها و قرر انه يخبيها م الناس و محدش يشوفها غيره هوا..و بالفعل عمل كده.. و اتجوزها..

و يقال انه انجب منها ٧ أطفال صفاتهم تختلف بين البشر و حوريات البحر..بس من شدة حبه ليها قرر انه يقتلها علشان لما يموت محدش يشوفها ولا ياخدها غيره..

و لو اتكلمنا عن الاشخاص اللي قالوا انهم شافوا حوريات البحر ع قيد الحياة..ف لازم نتكلم عن تقريرين مهمين جدا..و بالتحديد ف كندا..واحد منهم كان م بين 1870 و 1890 م.. و التاني كان سنة 1976 م..

و كمان في ادعاءات كتير برؤيتهم ف سواحل بلاد زي جاوة و كولومبيا و بريطانيا..و اخر كلام عن رؤيتها كان ف سنة 2009..لما ناس كتير ف الشرق الاوسط قالوا شوفنا حوريات بحر..

ف طلعت جهات من اسرائيل و خاصه من مدينه كريات يام الموجوده في فلسطين المحتله..و قالوا اللي هيثبت وجود حورية البحر هياخد جايزة قدرها مليون دولار..و ده بعد م ناس كتير قالوا انها بتقفز فوق المياه زي الدولفين..و لحد دلوقتي الجايزه لسه محدش اخدها..

كمان م القصص اللي اتقالت عن حوريات البحر انها بتطلع للبحارة ع شكل بنت جميلة جدا و شعرها طويل و بتسحرهم بجمالها و صوتها الحلو جدا..لحد م تغرقهم ف المية..

و في قصص تانيه بتقول انها لما بتمسك البحارة دول بتسألهم اسئلة..و لو جابوا عليها تسيبهم..و لو معرفوش بتقتلهم بطرق فظيعة..و بتغرقهم ف الاخر ف قاع البحر..

و يقال ان حوريات البحر عمرهم طويل جدا لكن مش خالدين..و كمان بيقولوا انهم نصف الهة..و انهم مخلوقات من غير روح عندهم بعض القدرات السحرية..و اللي بتقدر بيها تتحكم ف البحر و ف العواصف اللي فيه..

و بالنسبة لحورية البحر..ف ملهاش اي ذكر ف الكتب السماوية او الأديان ال٣..ف ده اللي بيخلوا الناس تتجه اكتر انها مش حقيقه..و ان اللي بيتقال ده مجرد اساطير..

ناس تانية ربطت حورية البحر ب الجنية اللي معروفه ف القري المصرية و اللي ساهمت ف غرق ناس كتير جدا..و اللي بيعتبروها نوع م الجن المائي..

و اول ظهور حقيقي و بكثرة لحوريات البحر كان ف الحضارة الاغريقية و اللي اعتبروهم ك مساعدات للألهة..و يقال ان تم ذكرها ع بعض الرسوم المصرية القديمة..

و لو اتكلمنا كلام واقعي شويه..ف اقدر اقول ان ع الرغم ان بعض الحكايات اللي قولتها تعتبر خيال..الا ان في بعض التوثيقات و الوقائع اللي بتشير فعلا ع وجود حورية البحر..و هعرض بعض منها و ليكم حرية الحكم..

المصادر..

1-Greek Mythology:The Ancient Myths and Legends of Greek Mythology..Patrick Auerbach .

2-The Oxford Companion to World Mythology..By David Leeming.

و بكده يبقي خلص thread جديد و بعتذر لو في اي خطأ كتابي..و سوري جدا اني طولت بس الموضوع مكنش ينفع يتجزأ..و ان شاء الله ممكن اكتب جزء تاني عن القصص الحقيقة للحوريات..و ثانكس جدل ل بيتر @Paattoott اللي اداني افكرة الthread

مستنية رأيكم و اسألتكم و استفساراتكم و اللي فايته اي thread هيلاقيه هنا..

@ManarThreads