1. Khulafa-e-Rashideen main kisi ko Kafir kehna ya behurmati karna Shia aqeeda nahi hai. Lekin ye bat Shia barmala kehte hain ke wo Nizam-e-Khilafat ke qayil nahi or Quran or Sunnat ki daleel ke sath Nizam-e-Imamat ko mante hain. Or iske liye tareekh bayan karna humara haq hai. https://twitter.com/GhabranaNahiHay/status/1305144532342775808

Ab jo loug tareekh bayan karte huwe behurmati karte hain unki misaal un nasibiyon ki hai jo Ahlebait (AS) ke dushmanon ko defend karte hain. Ye extremists dono taraf hain or dono Haram kaam karte hain.

Agar Nizam e Khilafat na manne per Shia Kafir or Wajib-ul-qatal hain tou humain pata hai ke konse Khalifa e Rashid ko kisne nahi mana or kisne unse jangain ki. Is liye agar wo Kafir nahi to Shia bhi is bunyad per Kafir nahi. Is liye hum per shakhsiyat musallat nahi ki ja saktin.

2. Victim Card:

Victim card wo khelta hai jo victim na ho. Pakistan ke har koney se Shian e Ali ne hazaron janazey uthaaye hain sirf is wajha se ke wo Shia hain.

Kam-zarf ko jahaan main mila jab bhi iqtedar..
Pehlay bana situm ka nishana Gham-e-Hussain..

3. Persecution of minorities

Pakistan main jiski lathi uski bhains ka nizam hai. Ye masla sirf Shiyon ke sath nainsafi ka nahi hai. Christians, Hindus, Ahmedis or dusri minorities per bhi zulm hota hai. Or wajha wohi zalimana soch hai jisne puri dunya mai Islam ko badnam krdiya.

Gen. Zia se pehle or bad ke Pakistan main zameen asmaan ka farq hai. Imported wahabism se pehle Pakistan ka mahol soofiyana tha jo Pakistan ke purane art main bhi wazeh hai. Mostly Shia Sunni mil kar sukoon se rehte the na koie Kafir tha na Mushrik.

4. Non-Shia Country

Pakistan sirf Sunni Muslims ke liye nahi bana tha jisey ab Non-Shia country keh kar indirectly Sunni country kaha jaye. Pakistan Shia Muslims ka ehsanmand hai. Ab agar Sunni chahain to halwa kha kar halwa dene walon ko kostey rahain. Haqiqat nahi badalti.

Rahi bat rights ki tou har Pakistani ka pura Haq hai ke usko har tarhan ke constitutional rights milain chahe uska talluq kisi bhi mazhab ya firqey se ho. Ye us per ehsan nahi hai riyasat ki zimmedari hai.