@DrRPNishank
See, 2 saalon se zindagi jhand ho rakhi hai, jitni cheezein pasand thi saari sacrifice kar di, jo log pasand the unse baatein karni chhod di, kuchh niyati ka khel toh kuchh meri majboori, itna sab kyun? (1/n)

"Kyun ki humari Government ke paas Medical colleges nahi hn beta itne ki sabhi ke sapne poore ho paayein"
Padho lag jao, rank chahiye, iss race mein yahi bhool gayi ki yeh mera sapna tha, mujhe jiss sapne se pyaar tha vo bojh kab ban gaya pata hi nahi chala.....(2/n)

Harr cheez, harr ek cheez chhod di!
"Humara bacha toh Delhi AIIMS hi jayega"
"Tumhe rank 1 kyun nahi mili? Padhne ki lagan hi nahi hai"
"Ek student ko sirf padhayi se matlb honi chahiye!"
Kyun bhai, student hn, zinda laash nahi ki aas paas kya ho raha hai, farq nahi padega.(3/n)

Zindagi meri hai, sapna mera hai, mujhe karne do na yaar!
@DrRPNishank Sir, aap se 10 min mask lagaya nahi jaata, hum se kyun ummeed kar rahe hn sab ki hum practice kare, hum drame karte hn....blah, blah, blah..
Insaan hi hn na, Covid ka darr, exam ka darr, Mask ki ghutan (4/n)

Aur iske bawajood humein "PHOD KE AANA HAI"
Arre yaar ek baar khud ko humari jagah rakh kar dekho toh sahi!
"Sab achhe ke liye hota h"
"Sab achha ho jayega"
"Kuchh hi dino ki baat h"
Thak chuka hai mera dimaag yeh sunn kar! Arre nahi sunna yaar, 2 saal se yahi sunn rahi hu (5/n)

Hum insaan hn, logo se mile jule bina reh sakta hai kya koi?
Jo reh sakte hn bht achhi baat hai, parr nahi hoon mai aisi!
Fir bhi JANUARY se apne ek bhi dost se baat nahi ki hai, gharwale baat karte nahi ki time waste hoga....Gaane nahi suno mind distract hoga...(6/n)

Yeh mat khaao tabiyat kharaab ho jayegi....wahan mat jao time waste hoga....Bass padho padho padho!
Andaja hai, jo ladki yeh sab likh rahi hai, uski hobby thi padhai karna, books se jyaada kuchh nahi pasand tha usko.....
Aaj unse door jaana chahti hai....(7/n)

"Yaar agar mai crack nahi kar paayi toh kya hoga?"
-Arre tu kar legi, mujhe poora vishvas hai tujhpe
"Mummy crack nahi hua toh?"
-Kaise nahi hoga! Tumhe karna hi padega!

Yaar itni umeedein kyun lagate ho, bachha hai kar raha jitna ho sakega usse, bass ek baar keh do..(8/n)

"Koi nahi beta, tumse jitna ho sake karo, bhaad mein jaaye rishtedaar aur padosi...Ek paper mere bachhe ko loser nahi bana sakta!"
Yaar maar lo, daant do, parr ek paper ki wajah se LOSER ka tag mat lagaya karo!
Tumhari GDP gire toh corona, humare marks gire toh ishq muhabbat? 9/n

"SC ne faisla kiya hai toh kuchh soch samjh kar hi kiya hoga na?!"
"Sarkaar galat nahi sochegi kabhi!"
Buddhi naam ki cheez nahi hai kya kisi mein, Anand sir, Swamy ji, Alakh Pandey sir etc. Kisi chai waale se toh jyada hi smjhdaar aur padhe likhe hn!
(10/n)

Yaar nahi hun mai zinda laash, padta hai farq mujhe!
Aur vo log jinke hisaab se "Doctors aur police bhi toh jaa rahe hn n bahar" Abay gadho! Zameen aur aasmaan ko compare nahi kiya karte!
Akkal hai jara si bhi, vo docs tum jaiso ki bewakufiyat se ghar nahi gaye hn mahino se
11/n

Mai pichhle 20 dino se 5 ghante so rahi hoon, haath kaanpne lag jaate hn yaar!
Time waste hua, kyunki mujhe yeh nahi pata tha ki sarkaar kitni giri hui hai, kyunki mujhe yeh nahi pata tha ki paisa hi jeet ta hai humesha, kyunki mujhe yeh nahi pata tha ki Rhea k drugs humse..
12/n

Jyada important hain, kyunki mujhe yeh nahi pata tha ki koi bhi yeh nahi sochega ki bachhe paper dene kaise jayenge parr Rhea "APNE GAADI SE NCB KE DAFTAR" jayegi yeh sabko janna hai!
Aur jitne keh rahe hn n hum padhne wale bachhe nahi hn, dhyaan rahe yeh pressure....(13/n)

Yeh pressure na padhne walo pe ban hi nahi sakta!
Mai ne kabhi yeh nahi socha tha ki doctor ban ke khoob paise kamayenge!, I swear mai sirf unn logo ki madad karna chahti thi jo sirf paiso ki wajah se ilaaz nahi karwa paate the, Yeh motivation tha mera! Aaj vo bhi khatm h (14/n)

Thoda sukoon mila!
Sorry iss negativity ko failane ke liye, parr bass bhadaas nikalni thi!