this thread is to update you all on the mysterious being in the house balcony.

there is something in the balcony that eats up the chawal and bajra we keep to feed the birds. we first discovered this jab raat mai balcony mai giray chawal aur bajray k daanay subha tak ghayab hona shuru huay.

note that this is a covered and closed balcony tou seedhay rastay se ana tou possible hai nahi. lekin koi tou ata hai. jab he tou chawal aur bajra ghayab ho raha hai.

pehlay tou hum samjhay ammi ka vehm hai. lekin phir humai tab yaqeen aya jab ek din humnay khud apni gunahgaar kaanon se us bajray ki thayli k hilnay ki awaaz suni.

khair tou jitni dair mai hum ne himmat jama ki aur chappal pehn k torch lay ker baba se back up maang k balcony mai puhanchay, utni dair mai wo makhlooq wahan se ghayab ho chuki thee.

aaj is ka zikr karnay ki wajah hai aaj raat ka adventure.

ab ye balcony humaray kamray k sath hai. tou raat mai jab agar fan off ho aur ghar mai khamoshi ho tou bahar ki awaaz saaf sunayi deti hai. abhi bhee yehi hua. kamray mai bethay thay k ek awaaz ayi. himmat jama ki. chappal pehni. phone ki torch on ki.

wahan abhi puhancha nahi thaa k baba bhee ittefaqan uth k agaye. mujhay is halat mai dekh k pehlay tou pareshan huay. phir unhai jab samajh ayi tou wo humaray is mission mai humaray sath shaamil hogaye.

hum balcony mai puhanchay. istg mainey us thayli ko hiltay huay dekha. bahar hawa chal rahi hai lekin hawa se hilna aur hota hai aur ye hilna aur thaa. lekin jitni dair mai danda dhoondh k us thayli ka muayina kia, wo makhlooq wahan se ghayab ho chuki thee.

ab sawaal ye hain k ye makhlooq hai kya aur is k aanay aur janay ka rasta kya hai. will use this thread to keep you all updated.