من حوالي سنه ونص كنت بذاكر جراحه سنه خامسه تحديدا (breast cancer )قومت ساعتها اعمل نسكافيه لقيت ماما وتيتا في المطبخ فقولتهم علي ضرورة ال examination وكانوا بيسمعولي بتركيز جدا..
بعدها بشويه ماما جت وقالتلي " أن عندها breast mass وعلشانها مش بتوجع فمهتمتش "

وفي خلال يومين كنا مكتشفين أنه cancer stage 2 ودخلنا في قصه طويله من عمليه لعلاج كيماوي الإشعاع لهرمون سنه كامله.
فاكره ساعتها الدكتور لما ماما حكتله
قاللي يعني الطب مش وحش اهو!
افتكرت الموقف ده دلوقتي وانا بقالي أسبوع بسأل نفسي أنا هستفاد ايه لما أذاكر كل ده وهنساه بعد كده ؟

افتكرت الموقف ده دلوقتي وانا بقالي أسبوع بسال نفسي هو أنا هستفاد ايه لما أذاكر كل ده وهنساه بعد كده ؟
أنا التخصص اللي أنا عايزاه أصلا ملوش علاقه بكل ده !

أنا ساعتها بس عرفت أهمية كل كلمه أنا بسمعها عرفت اهميه اي معلومه قد تكون صغيره جدا ومعروفه جدا لكن ممكن تغير حياة عيله كامله

عرفت أن القول مش ضايع وعرفت أن دورنا في التوعيه مهم جدا ..
أنا الحقيقه بحب الطب جدا( بغض النظر عن طريقة مذاكرته وطريقة معامله نظام الكليه معاه )
لكن لو الطب معملش ليا اي حاجه في حياتي غير الموقف ده فهو يكفي أنه يخليني أحبه.