شماعة لي ٦٠٪ ل٦٥٪ من السودانيين اللي تحت خط الفقر. و ٣ مليون طفل تقريباً خارج التعليم النظامي. ومابس كده، شماعة لشعب حصته من الدين العام Per Capita أكتر من ١٦٠٠ دولار وهو لسه في بطن أمه. ومابس وكده، شماعة لناس حيعيشوا فترة سيئة من الإنكماش الإقتصادي لغاية ٢٠٢٥ على الأقل. https://twitter.com/zienabhassan/status/1299434837154115585

ونزيدكم كمان، السودان يا اخوانا من الTop 10 في ترتيب الدول الفاشلة والهشة، مما عملوا المؤشر لي يوم الليلة. و أعتقد السودان مجرد شماعة، بالنسبة للماعايشين في ولاية الخرطوم، واللي قابليتهم لدخول جامعة قوية أقل من البيدرس في الخرطوم في مدارس نخبة. بإطلاع بسيط على نسبة الخرطوميين-

من المئة الأوائل في كل سنة، بيجيكم ذهول.

السودان ده حفرة، حفرة ملايين مملينة بتحلم بس أنها تطلع منها. بل والناس بتركب البحر وبتخاطر بحياتها عشان مادايرة تعيش فيه. بلد ما أدى ناسه أي فرصة، و الناس ضحتليهو بحياتها. و بلد طارد منفر، مفقر لناسه، و مثبط لشبابه.

السودان مشكلة!

ياخي، أمبارح ده، فيه أكثر من ١٨ ألف منزل سوداني إنتهوا مع الفيضانات. ديل حيحتاجوا لمصاريف، و تأمين لملجأ، مأكل، مشرب، مسكن، وملبس. ومادام العديد منهم في دائرة الفقر، ووضعهم تردى، التفكير في أنه "بيقدروا ينجحوا رغم وجودهم في السودان" بيبقى شيء بايخ جداً من الواحد العايش فإمتياز!