Read on Twitter
*بكتب الكلام ده هنا مش فيسبوك قدامها عشان متخانقين ولما نبقي نتصالح هبقي اوريهولها*
انا بجد لما بقعد افكر واتكشف قد ايه امي مدياني حريه شخصيه ومساحه شخصيه وحرية اختيارات وثقه لا متناهية وفرص ومساحة لاني اروح واجي واعمل واسوي مع ان ده في نظرها مش مقبول وان كل البنات اللي حوالينا..
انا بجد لما بقعد افكر واتكشف قد ايه امي مدياني حريه شخصيه ومساحه شخصيه وحرية اختيارات وثقه لا متناهية وفرص ومساحة لاني اروح واجي واعمل واسوي مع ان ده في نظرها مش مقبول وان كل البنات اللي حوالينا..
بنات العيلة والبنات اللي في العماره وكل البنات اللي حواليها حتي صحابي هي وانا عارفين ان زي مهي بتقول *اهلهم مبيسبهمش يعملوا ربع اللي بعمله* المهم انها بتعمل كل ده وبتقف جمبي في كل حاجه حتي والله لو هي مش موافقه ومش متنقعه بس عشان متزعلنيش ولا اعمل حاجه من وراها :(
موضوع الحجاب هي مش موافقة عليه لحد دلوقتي بس بعد ما زنيت سنه وفهمتها ان الضغط ده عليا ممكن يخليني اعمل حاجه من وراهم وافقت مضطره عشان معملش كده و لولا انها قالت لبابا خليها تعمل اللي هي عايزاه هو واخويا عمرهم ما كانوا هيوافقوا :"
موضوع الحفلات من سنتين كان مرفوض تماما وانه مينفعش بس للاسف بعد ما عرفت اني روحت من وراها مرتين وكانت بتعرف فهمت برضو ان للاسف هكدب عليها تاني وتالت وافقت مضطره مره في التانيه لحد ما بقت مطمنه عادي وعارفه اني مش هيحصلي حاجه وحشه في الزحمه زي مهي كانت متخيلة
بجد بتسيبني اروح واجي هنا وهناك ومبتقوليش لا علي اي حاجه ولو قالت لا بصعب عليها بالزن وانا زنانة فشخ واول لما نتخانق واقولها اخرج تقولي قولي لابوكي مليش دعوه وده اسوأ انواع العقاب لو تدرون :(
انا وبابا التعامل ما بينا صعب شويه وديما بنشد مع بعض في اقل حاجه وبتتوسطلي في كل حاجه حرفيا حتي مصروفي وايام دروسي والخروج وكل ما اغلط تسامحني وتعدي اي حاجه بكل صدر رحب :(
وموضوع الكلية .. عارفه ان رفضها التام كله مبني علي نظرتها في ان ملهاش مستقبل وان شغلها شحططه من هنا لهنا ومش مكان ثابت وعارفه اني هشتغل ١٠٠% فا خايفه عليا من البهدلة بس مش اكتر بحاول افهمها كتير ان ده مش هيحصل بس مش مقتنعه وجيس وات ؟
قالتلي مش موافقة ومنك لابوكي لو وافق بالسلامه *وده عقاب شديد برضو* وامبارح وانا بقوله عايزه امتحن فضلت ساكته مع ان لما كنت بس اقول تربية قدامها صوتنا يسمع العمارة كلها مش عارفه اعمل ايه عايزه اراضيها وافرحها بس غصب عني مش عارفه اتخلي عن حلمي او اخليه شئ ثانوي في حياتي :(((
حتي وقت تعبها .. كانت تعبانه فشخ طول الترم التاني وبتأجل كل شويه عمليتها لحد ما اخلص امتحانات عشان متشيلنيش هم يوسف ولا تكون مش موجوده جمبي بس مقدرتش تستحمل اكتر وعملتها قبل امتحان العربي بكام يوم وبجد بعد العمليه بيومين بظبط قامت ورجعت تعمل كل حاجه عادي عشان انا اذاكر :(
كان نفسي بجد افرحها بمجموعي وادخل كليه قمة زي مهي نفسها بس حتي ده معرفتش اعمله ومش هعرف اعمله وهتزعل مني وساعتين وهتنسي زي كل مره زعلت مني فيها يارب لما اكبر واكون ام ابقي زيها :"
ديما بتقولي متنسيش ان اصلنا فلاحين عشان ايوه احنا من الشرقيه واهل ابويا كلهم هناك واهل ماما نقلوا القاهره من سنين برضو وهي عارفه ان نظرتهم ليا مش زي باقي بنات العيله وبتزعل من ده كتير بس بتفوت عشاني يادين امي هو فيه حد بيعمل كده بجد؟
المشكلة الكبيره اوي:( والله العظيم عمركم ما تتخيلوا انا قاسيه معاها ازاي وتقريبا عمري ما ذكرت فضل من افضالها دي اللي عمري ما انكرتهم بس مقولتش حاجه مش دي قدامها ولا شكرتها في مره ولا عمري قولتلها اني بحبها اصلا !
فيه حاجز علي لساني عمري ما عرفت اعبر عن حبي رغم اني ورحمة اخويا ما بحب حد قدها ديما بقولها ان فيه حاجز ما بينا وانها مش صاحبتي واني زعلانه من ده وهي تقولي انها بتعملي كل حاجه انا اللي مش صاحبتها والمشكله عندي وفعلا المشكله عندي ومش عارفه اعمل ايه مكسوفة من نفسي
ومش كده وبس عمري ما هنسي الموقف ده بجد :D في مره بنتخانق وانا في ٦ ابتدائي او اولي اعدادي.. قولتلها انتي مبتحبنيش واسماء بتحبني اكتر منك قعدت تعيط يوم كامل وتقولي بقي انا مبحبكيش وصاحبتك بتحبك اكتر منك وانا مكنتش فاهمه وقتها هي اوفر ليه .. بس يارب ممرش بده في يوم مع بنتي
لو فضلت من هنا لاخر يوم في عمري اعتذرلها عن كل مره زعلتها مني فيها والله ما كفايه رغم اني لو سألتها هتقولي مش زعلانه..وبرضو لو فضلت اقولها كل يوم بحبك مش كفايه برضو ويارب بس اعرف اقولها مره واحده :(
