Read on Twitter
معالي الوزير @Hamad_hassan20 لما انسأل عن وضع الجامعة كان جوابو انو ولادو زملائنا و بيعرفو انو الجامعة بدا مصلحة الطالب. معاليك الجامعة اللبنانية بعمرا ما كانت مصلحة الطالب اولوية عندا. و نحن عنا صحة اهلنا قبل شهاداتنا و الجامعة و كل يلي فيها.
#تسقط_اداره_الجامعه_اللبنانيه
#تسقط_اداره_الجامعه_اللبنانيه
من مصلحة الجامعة انو كل سنة طلابها يكونو اخر تلاميذ بيخلصو بلبنان كلو؟ انت عارف بالاصابات يلي عم تنكشف بين طلابها؟ الصليب الاحمر يلي هني اكتر ناس آخذة الحذر و انتشر الفايروس بينن، ما بدو ينتشر بين اكتر من آلاف الطلاب من كل لبنان؟ و نحن منعرف انو عدد كبير من الطلاب مش ملتزم.
و منطق الدورة الثانية للطلاب يلي ممكن تنصاب؟ قمة المسخرة. شو لبأكد انو هالتلميذ رح ينشفا؟ ابن ٢٢ و فتك في. و الطالب لي بينقل العدوى لاهلو الكبار بالسن؟ و تنقول ما شفيو منو. هيدا طالب رح يقدر يروح يقدم دورة ثانية؟ يعني قتلتو العالم و مشيتو بجنازتا. بكفي لعب باعصابنا و اعصاب اهلنا.
اه و بعد نقطة معاليك، هيدي الاجراءات الوقائيةيلي عم تحكونا فيا؟ عشنا و شفنا كتير
الطلاب قدمت حلول كتير للادارات عنا مدروسة من جميع الجهات بس الادارة ترفض كل مرة؟ شو السبب؟ سمعة الجامعة؟ اقوى جامعات لبنان الخاصة و الجامعات العالمية قدمت الامتحانات عن بعد. نحن بشو منفرق؟ صحتنا مش مهمة؟ ولا تقدملنا وسائل وقاية؟ ولا طعوم؟ ولا مناعتنا غير الكوكب كلو؟
و بما انو عم نحكي، تنركز عالطلاب لي جايين من مختلف المناطق عبر وصائل النقل العام، شو ضماناتن انو ما رح يختلطو بمريض كورونا او تنتقل العدوى من الفان او غيرن؟ رح يكون عدد طلاب بمحل واحد، و يرجعو يفوتو عالجامعة و عالقاعات و يرجعو عند اهلن. و العملية رح تتكرر ع ٣ اسابيع. ما في خطورة؟
الجامعة و وزارتي الصحة و التربية اخدو هيدي الامور كلها بعين الاعتبار؟ يا ريت تجاوبونا بس و تأكدولنا انو كلللللل هالامور متابعة. و بس انا و 82000 طالب غيري نتاكد انو ما في خطر علينا و عاهلنا ولا 0.0000001% منبقى منسكت و منريحلكن راسكن
