Read on Twitter
لكل يلّي عم يهاجموا المغتربين بأفريقيا ويتهموهن انو هني عم يجيبوا الكورونا عالبلد اليوم عداد الكورونا بلبنان سجّل ٧٧ حالة ايجابية منها فقط ٨ حالات من المغتربين القادمين من اكتر من ٧ دول يعني ازدياد الحالات بلبنان مش بسبب المغتربين بإعتراف وزارة الصحة بل من المقيمين المستهترين 
لازم الكل يعرف انو المغتربين هني ثروة عم يستفيد منها الجميع ووجودن ولو لفترة شهر بلبنان كافي يكون عامل ايجابي للإقتصاد المنهار وكل القطاعات بتستفيد منٌن مش بس سياحياً بيجوا لفترة شهر بيضخوا دولارات بالسوق وبيساعدوا اهاليهم وغير اهاليهم وبيحركوا سوق العقارات الجامد وبينعشوا
البلد وما تنسوا انو الدولارات الّي سرقوهم السياسيين الفاسدين من البنوك ٩٠ بالميّة منها تعود للمغتربين عشرات المليارات من الدولارات ارسلوها الى البنوك على أمل يستثمروها ببلدٌن كلّها تبخّرت وخسروا جنى عمرٌن فلذلك كنّوا يا شعب لبنان العظيم انتوا الّي جبتولنا مرض أسوأ من مرض
الكورونا وهو الطبقة السياسة المعفنة الفاسدة المكونة من قرطة حراميي لا تزايدوا عليهم لا بالوطنية ولا بحُب الوطن المغتربين عم يضحوا بعمرن بالغربة كرمال يعيشوا بكرامة والكرامة عم يدفعوا ثمنها غالي ..!
خفوها شوي يا جماعة خفوها ...!!!
خفوها شوي يا جماعة خفوها ...!!!
