Read on Twitter
ليه البنات ماسكين في "الرجال زبالة" او "men are trash" وقد يكون السبب وراها شنو ؟
في علم النفس في حاجة اسمها الاستجابات الاوتوماتيكية ( automatic responses )، ودي عادة بتحصل لمن يكون في حاجة معينة حاصلة ( event) بتدفع الحيوان لانه يتصرف تصرف محدد ، على سبيل المثال ال (fight, flight or freeze) لمن يكون الحيوان قدام حاجة بتهدد حياته.
الاستجابات دي عادة بتكون مبنية على تجارب سابقة والمخ عمل معالجة للبيانات في وقتها وطلع استجابة الية وحفظها , فمتى ما ظهر المهدد تاني المخ بيدخل في حالة زي ال (autopilot) ويكسب زمنه وعناء التحليل من اول جديد ويرسل الاستجابة طوالي وبيقول ليك اجري مثلاً او اهجم او اي رد تاني.
المهم البيهمنا في الموضوع انو النساء بسبب خبرة شخصية او مكتسبة من روايات اخرى بسبب الحاجات العملوها ليهم الناس - غالباً رجال - صنفو النوع دا ووجودهم كمهدد ليهم وكونو استجابة اوتوماتيكية تجاه المهدد دا ، واختصرو على نفسهم عناء تحليل " هل هو كويس ولا كعب ، هل حيأذيني ولا لا ....."
بالتالي بقى المخ طوالي بيرسل رسالة خطر في حالة وجود النوع دا بدون تفكير.
الاستجابت الالية ما حتتوقف مالم المخ يتوقف عن تحديد النوع دا كمهدد, بالعربي البنات ما حيوقفو يخافو الا لمن يشوفو وجودك ما بيشكل مهدد ليهم.
الاستجابت الالية ما حتتوقف مالم المخ يتوقف عن تحديد النوع دا كمهدد, بالعربي البنات ما حيوقفو يخافو الا لمن يشوفو وجودك ما بيشكل مهدد ليهم.
استجابتهم الآلية دي تجاهك لانو في اسباب في الاستجابة دي ، سواء كانت الاستجابة دي بصورة لفظية - زي الجملة الفوق دي - او بصورة سلوكية - الخوف والحذر والانتباه في وجود المهدد - في نفس الوقت ما تظلمهم في النقطة دي لانو بالنسبة ليهم انت مهدد.
النقطة العاوز اوصلها انو مفروض الناس تفهم مصدر الجملة دي شنو واسبابها وتتعلم حقوقها وواجباتها وادوارها المجتمعية والمقبول وغير المقبول شنو وعلاج جذور المشكلة. وتغير من الاساليب الهجومية وتكون اكتر انصاتا ومحاولة فهم الطرف التاني واسباب تصرفاتهم وسماعه بدل الهجوم عليه مباشرة.
برضو زيادة الوعي الذاتي للجنسين والتحكم في الانقعالات بصورة جيدة وتتناقش بصورة بعيدة شوية عن العداء لانه لمن تهاجم زول اكيد الاستجابة الالية الاولى بالنسبة ليه حتكون الرد على هجومك دا دون تفكير.
المهم دي محاولة لتفسير الحاجة دي من منظور شخصي وممكن تضيف او تصحح كلامي وشكراً.
