كلنا تابعنا بإهتمام كلمة الوزير #سامح_شكري في مباحثات #سد_النهضة
نفرتيتي كالعادة كان حضورها طاغي ولفت نظر ناس كتير لدرجة إنه غطي على الكلام عن السد
احنا مش بتوع سياسة بس بتوع آثار وراس نفرتيتي دي بالذات تهمنا
هنحكيلكم النهاردة عنها ونعرفكم على أختها اللي في لندن
#MASRZAMAN

9 يناير 1933اكتشفت روث ودنجتن بالصدفة رأس غير كاملة لنفرتيتي في بيت النحات المصري القديم تحتمس في تل العمارنة عاصمة اخناتون علي الضفة الشرقية للمنيا
روث كانت مرات هيلري ودنجتن مصور التوثيق والدعاية لاعمال حفر وتنقيب العمارنة 1930-1937لجمعية استكشاف مصر الأنجليزية @TheEES

رئيس الحفاير وقتها كان جون بندلبوري.
جون لما شاف رأس نفرتيتي أعجب بها جدا وقال عليها ""كانت أكثر النتائج إثارة للإعجاب هي بلا شك رأس بالحجم الطبيعي من الكوارتز، حيث لا تزال علامات خطوط النحات الإرشادية موجودة. لم يتمكن النحات أن يقاوم رسم الشفاه حتي قبل اكتمال الرأس"

جون بندلبوري ده كانت حكايته حكاية في الحفاير كان بيمثل وبيرقص وبيلعب وبينظم دورات رياضية مع المصريين وكان كمان بيقلدهم.
في الفيديو هنا @TheEES في دقيقة 6:20 هنشوفه لابس مصري وبيقلد وبيتخانق ويهزر مع الأجنبي تمام زي ماكان ولسه بيحصل في الحفاير https://www.youtube.com/watch?time_continue=1&v=wogFpvWEXKM&feature=emb_title

دي صورة لبندلبوري وهو متقمص دور أثري مصري في لعبة من اللعب اللي كان بيلعبها في حفاير تل العمارنة

كان بندلبري @TheEES بينظم دورة رياضية مع الأثريين المصريين يرفهوا فيها عن نفسهم اوقات الاجازات وكانوا بيلعبوا فيها ألعب طبعها مصري زي التحطيب (يمين).
حد فيكم @ziad_morsy @monznomad @IsAbed2 يعرف اللعبة اللي علي الشمال اسمها إيه؟
Do you still play games at Amarna @AnnaS_Amarna ?

المختلف في ارشيف الصور الأثري للعمارنة انه بيظهر دور الستات والبنات المصريات في الحفاير الأثرية
بالرغم من إن الستات كمان كان دورها كبير في ازاحة الرمال وفي اعمال الحفر لكن للأسف أغلب صور الارشيف للرجالة المصريين. لكنهم متساويين في عدم ذكر أسمائهم
تحية كبيرة للاثريات المصريات