مش عارف هستفيد ايه لما اعمل نفسى فاهم فى كُل حاجه ! طبعاً حاجه كويسة انك تقرأ عن المجال دا وغيره وغيره وتعرف حتى لو معلومات بسيطة، بس مش لطيف ان كل محاولاتك والمعلومات اللى بتحاول تجمعها دى مش لأنك حابب تعرفها اساساً .. انت بس عاوز تبين للناس انك جامد وعارف عن كل حاجه..

ومش بعيد لما تقول اللى تعرفه للى حواليك يقتنعوا انك جامد فعلاً وتقرر تبقى انت الشخص الاستثنائى المُلهم بالنسبالهم وتعرف معلومات اكتر لحد ما تزهق ويبدأ بعدها احساس انهم كدا كدا هيصدقوا فَ هقول اى كلام وخلاص محدش واخد باله! ولما تقابل ناس فى المجال اللى انت بتتكلم فيه..

واللى هما دارسين وشغالين فيه بقالهم سنين وانت بتحاول تقنعهم بوجهه نظرك اللى انت عارف من البداية اساساً انك قررت تهبدها لأن خلاص الناس عرفت انى جامد وكدا كدا اقتنعوا باللى كنت عاوزه .. فَ يبدأ احساس انا ايه اللى دخلنى فى الحوارات دى كلها ؟

طب ليه من الاول مركزش فى اللى انا فيه ولما اكون خلاص حسيت انى perfect فى دا ابتدى اعرف اكتر عن باقى المجالات ؟ مش عيب انى اكون بدرس او بشتغل فى مجال معين ومعنديش معلومات كفاية عن اللى حواليا .. بالعكس.