अन्तराष्ट्रीय सगरमाथा दिवसको शुभकामना सबैलाइ ।

६७ वर्ष अघि आजकै दिन एड एड्मन्ड हिलारी र तेन्जिंग नोर्गे शेर्पाले बिश्वकै अग्लो चुचुरो चढेकाथिए ।

सगरमाथा सफल आरोहणको समाचार आरोहणदल संगै रहेका 'दि टाइम्स' का सम्बाददाता जेम्स मरिसनले नाम्चेमा रहेका भारतिय वायरलेस अपरेटरलाई झुक्काएर बडो चलाखीपुर्वक बेलायत पठाएका थिए ।

सगरमाथा आरोहणको खबर भारतिय मिडियाहरुले बेलायतीहरु भन्दा पहिले थाहा नपाउन् भनेर मरिसनले काठमान्डौस्थित बेलायती दुताबासका कर्मचारीहरुसंग मिलेर 'कोड' तयार गरेकाथिए ।

सगरमाथाको आरोहण पुष्टि हुने बित्तिकै मरिसनले सन्देश दिएर आफ्ना रनरलाई नाम्चे दौडाए । सन्देशमा लेखिएको थियो - Snow conditions bad stop advanced base abandoned yesterday stop awaiting improvement.

भारतिय अपरेटरले यो सन्देशमा महत्वपुर्ण कुरा केही नपाएर आफ्ना हाकिमहरुलाइ खबर नगरी बेलायती दुतावास सन्देश पठाइदिए । पहिले नै तय गरे अनुसार
'Snow conditions bad' को अर्थ सफल आरोहण हुन्थ्यो भने, 'advanced base abandoned' को अर्थ हिलारी र stop awaiting improvement भन्नले तेन्जिंग ।

सन् १९५० मा तिब्बतमा चीनको गतिबिधी पछि नेपालको उत्तरी सिमामा खोलिएका १८ चेकपोस्ट मध्ये एक थियो नाम्चेको पोस्ट । १७ वटा बन्द गरिए पनि कालापानीमा अझै भारतिय नियन्त्रण छ ।