Read on Twitter
بمناسبة المخدرات في حاجة عايزة اقولها. مافيش حاجة بتصلح الحقيقة وتخليها احسن. بالنسبالي كنت بحاول ابطل احس باي حاجة عشان كان عنجي اكتئاب. و جربت كل حاجة و كنت بعامل جسمي علي انه سلة زبالة ارمي فيه اي حاجة. وكل اللي حصل اني اجّلت مشاكلي و ضيعت من عمري سنين.
سنين.
سنين.
وبما اني فتحت الموضوع دة ماحدش يجرب الحشيش. موجود في كل حتة و بمنتهي السهولة و الاعتماد عليه سهل. و عارفة ان ناس هايقولوا چوينت واحد اجرب مانا قلت نفس الكلام. ماحدش عنده تحكم في الإدمان. اذي ليك و لكل اللي حواليك و هيدمر حياتك وهاتفضل سنين عايش مع العواقب لما تبطل.
بعد الحشيش احذر من الهيروين عشان دي اخطر حاجة دخلت جسمي. أحسن احساس عيشته و كنت هاموت. وماكنتش خايفة من الموت ودي اخطر حاجة. ولو انت مستبيع تبقي غبي عشان انت اما تقرب من الموت و تبطل تتنفس فعلا و ماتبقاش قادر تصحّي نفسك دي اسوأ لحظة في الدنيا. اكنك عايز تصرخ في حلم و مش طالع صوت.
و بما اني باحكي بلاش الكحول مع اي حاجة. ماتشربش لوحدك ابدأ. الادمان بيبدأ كدة. بيبدأ بكوباية ويسكي في اخر كل يوم و بعدين فجأة هاتلاقيك بتشرب من بوق الازازة. و هاتصحي متكدر ومفيش حاجة تخلي الاحساس دة يبطل غير ايه؟ بالظبط الكحول. بلاش خلط الكحول مع اي مخدرات تانية.
وطبعا ماينفعش اتكلم عن الادمان من غير ماتكلم عن السجاير. احسن قرار اخدته في حياتي هو تبطيل السجاير. مش طبيعي تبقي في العشرينيات و تنهج عشان طالع سلم. غير ان مش طبيعي ان احسن لحظة في يومك اللحظة اللي حرفيا بتشيط بيها صدرك. سرطان الرئة من ابشع انواع السرطان. بطلوا.
وفي الاول وفي الاخر اصعب حاجة الاعتراف بالادمان. اني ابطل المخدرات او السجاير ماكانتش صعبة الصعب هو الاعتراف ان في مشكلة. وان الواحد يبقي عنده أمل في المستقبل حتى لو نور ضعيف. واصعب حاجة الاعتراف انك لازم تقطع مع صحابك اللي بيدمروك. واهم حاجة الايمان باننا نستاهل احسن من كدة.
شكرا لكل الناس اللي سألتني بطلت ازاي
قرار
اخذت قرار ان كفاية. وعارفة انها صعبة/سهلة بس هي كدة. وصلت لمرحلة ماكانش ينفع. لاعلاقتي نافعة
ولا اي مستقبل و شبابي بيضيع قدام عينيا. مش عارفة اشتغل و باترفد من شغل. هو قرار.
في الاول و في الاخر قرار و تفكر نفسك بيه كل يوم.
كل يوم.
قرار
اخذت قرار ان كفاية. وعارفة انها صعبة/سهلة بس هي كدة. وصلت لمرحلة ماكانش ينفع. لاعلاقتي نافعة
ولا اي مستقبل و شبابي بيضيع قدام عينيا. مش عارفة اشتغل و باترفد من شغل. هو قرار.
في الاول و في الاخر قرار و تفكر نفسك بيه كل يوم.
كل يوم.
