يا جماعة لو عاوزين يحلوا الموضوع بكلمتين هيحلوه والله بس للأسف حاسس ان فيه قصد اننا نكره بعض،
يعنى لو طلع قال نساوى معاشات الهيئة الطبية بمعاشات القوات المسلحة
والمحاكم العسكرية تختص بالحكم فى أى اعتداء على الدكاترة.
كله هيرتاح ويهدى كدا ويشتغل بطيب خاطر محدش بيشتغل وهو خايف

محدش هيشتغل بكامل طاقته وقلبه وهو خايف على نفسه وعلى ولاده لو لا قدر الله حصله حاجة ولا خايف ان حد يمسح بيه الأرض وهو بيشتغل عن جهل أو قصد

محدش هيصدق ان الدكاترة والتمريض جيش مصر الأبيض إلا لو فتحت مستشفيات جيش مصر المموه لعلاج جيش مصر الأبيض وبياخد معاش زى جيش مصر المموه غير كدا جو عربيات تلف بميكروفونات تغنى للجيش الأبيض من بعيد كدا لا يتعدوا وتتذاع فى فواصل المسلسلات دا واطى جدا ومبتذل

دى احسن فرصة تقرب المسافات بينك وبين الدكاترة انت محتاجهم وهما كمان محتاجينك عشان يعيشوا حياة كريمة.
فكروا تانى يا رجال الدولة قبل ما تبوظ خالص وكلنا هنخسر ساعتها