الناس بقت مثالية فشخ و كل واحد مدعي المثالية و بينظر علي غيره ، الطب رسالة و مطلوب منك تنقذ حياة الناس ، لكن عادي لما تتهان و عادي لما حقوقك كلها مش واخدها و عادي انك تشتغل ببلاش او بمقابل ضعيف عشان دي رسالة انسانية

انا مش طالع عيني في الكلية ٧ سنين و جيش و نيابة في المستشفي بال ٤٨ ساعه وردية و تيجي تقولي ده رسالة ، منا من حقي اتجوز و اعيش حياتي دي مهنة يعني بتجيب فلوس و كل واحد حر

يالا انت و هو ده انت بتسيب شغل و تروح شغل تاني عشان ١٠٠ جنيه زيادة مستكتر علي الدكتور انه يستقيل عشان يحمي حياته و شايف حياتهم رخيصة بيترموا زي الكلاب ، و تقولي رسالة ؟

الدكتور اللي كله مستكتر عليه اللي هو فيه ، بيتضربدفي المستشفيات و يتهان و مرتبه ٢٠٠٠ جنيه و بيطلع عين امه في الشغل و الكلية و بترمي زي الكلب ملوش ديه و يقولك جيش مصر الاييض ، ادعاء المثالية فاضحكوا اوي والله

انا عمري ما شوفت بجاحة زي بجاحة المصريين ، عايز يروح يكشف عند اشطر دكتور و اكتر واحد خبره و يدفع ٥٠ جنيه ، لكن عادي لما يجيب موبايل ب٥٠٠٠ جنيه و يجيب كل يوم علبة سجاير ب ٥٠ جنيه عادي و ياكل من برا كل يوم ب ١٠٠ جنيه عادي و يدفع دروس خصوصية ٢٠٠ جنيه في الحصة لكن الطب رسالة يا جدع

في فرق بين نقص الامكانيات و الاهمال المتعمد ، عادي بيحصل نقص امكانيات في اي مكان في الدنيا ، لكن الاهمال يا بيه انك متوفرش اصلا للناس اقل حقوقها و تروح تصدر مستلزمات طبية و تعمل مسحات لناس تانية و سايب المستشفيات و الدكاترة بدون تجهيزات

في فرق يا ترعة المفهومية بين لما الظابط تخلص من ذخيرته و يأدي واجبه علي اكمل وجه و بين اني اسيب الظابط بدون ذخيرة و تطلب منه يأدي واجبه ، فهمت الفرق يا ذكي يا مدعي المثالية

احلي مسا علي اخواتي الدكاترة بطبلكوا اهو عشان تكشفوا عليا ببلاش