بمناسبة حوادث التحرش و اغتصاب الاطفال ، هتكلم في الـ Thread ده عن البيدوفيليا [ التحرش الجنسي للأطفال ]

- البيدوفيليا هو مرض نفسي عبارة عن اضطراب بيخلي الشخص يميل جنسياً نحو الاطفال اقل من ١٣ سنة - غالبا - و بيترجم الاضطراب ده في صورة تحرش او اغتصاب

- غالباً بيكون الاشخاص المصابين بالبيدوفيليا من الرجال حوالي من ٣ لـ ٥ ٪ من الرجال مصابين بالبيدوفيليا ، و في احصائيات عن الاطفال في الولايات المتحدة بلغ نسبة الاطفال اللي اتمارس عليهم البيدوفليا و اتعرضوا لاعتداء جنسي حوالي ٢٠٪

- غالبًا بيكون المعتدين من الأقارب أو أصدقاء العائلة ، و الاعتداءات لها عدة صور :
١- النظر للطفل أو لمسه بطريقة جنسيّة
٢- ممارسة الجنس الفموي أو لمس الأعضاء الجنسية للطفل أو المعتدي
٣- الاغتصاب
--
حسب الدراسات فالاطفال من نفس الاسرة هم الاكثر عرضة للاعتداء

- الاسباب :
--
مفيش اسباب معروفة حتى الأن ، جربوا يختبروا ممكن يكون خلل هرموني بس اكتشفوا ان الهرمونات ملهاش علاقة ، لكنهم توصلوا ان نسبة معينه من اللي عندهم التوجهات دي اتعرضوا لاعتداء جنسي او تحرش او شافوا حاجة من دي في طفولتهم

الاعراض :
--
قبل التشخيص لازم يتم التأكد اذا كان الشخص المريض عنده ميول جنسية للاطفال ولا لا ؟
- تخيلات جنسيّة قوية، ومُلِحّة، أو ممارسة سلوكيّات جنسيّة مع الأطفال دون سن البلوغ (13 عامًا أو أصغر)، لفترة تبلغ -على الأقل- ٦ شهور

- التشخيص لازم يحدد إذا كان الشخص منجذب للأطفال أم لا، والجنس المُنجذِب إليه سواء ذكرًا أم أُنثى، وما إذا كانت دوافعه الجنسيَة محدودة في نطاق الأسرة والمحارم

- في تقرير اتنشر عن توجه اوروبا و امريكا بالاعتراف بالبيدوفيليا كتوجه جنسي طبيعي بدلاً من مرض نفسي ، و المدافعين عن البيدوفيليا شايفين ان ده سلوك فطري زي المثلية الجنسية و ده بعد فترة هيكون عادي بعد تقبل الشواذ و المتحولين جنسياً في اوروبا و الاعتراف بيهم

- التقرير بيقول ان المدافعين عن البيدوفيليا بيتبعوا نفس مبدأ الشذوذ الجنسي و هو التدريج ، لو ذهبت إلى أحد الأشخاص في 1950م، وأخبرته أنه خلال جيلين فقط سيكون الشذوذ الجنسي أمرا عاديا ومقبولا، سيرد عليك فورا بأنك شخص مجنون

- فبيبدأ اول مرحلة في التدريج بكسر الـ Taboos بانه يتكلم عن حاجة محرمة اصلاً و يبدأ يتكلم فيها بالتدريج واحدة واحدة و ان ده سلوك جنسي طبيعي و يبدأ يبرره بإن الحيوانات كدا او كان ده عادي في بعض الحضارات

- بعدها يبدأ بإزالة الصفات السلبية عن البيدوفيلين وتبرئتهم من أي طعن أو خلل يوجه لهم عشان يشيل أي اتهام أخلاقي عنهم و تحويلهم من مجرمين إلى ضحايا لجذب التعاطف ، زي ما حصل مع الشذوذ بالظبط

- بعدها يبدأ تناول الموضوع ده في الميديا و تبدأ الصحف و المواقع الشهيرة في تبرير ده انه مش جريمة و انه اضطراب ، ده خبر في النيويورك تايمز ان البيدوفيليا اضطراب و ليس جريمة

- بعدها يبدأ رسم كاريكاتير و رسومات بتدعو للتعاطف مع البيدوفيليا و ان ده يكون سلوك طبيعي و نتعايش سوا معاهم و بدل ما يكون الموضوع غصب و تحرش يبقا برضا الاطفال و ايه يعني

- بعدها يبدأ في انتاج افلام بتوضح وجود علاقات رومانسية بين طفل و شخص كبير بشكل طبيعي ، زي الفيلم الكندي For a lost soldier اللي فيه علاقة رومانسية بين طفل و جندي في الحرب العالمية ، او زي فيلم malena مع الاختلاف شوية

- دلوقتي الأطباء النفسيين بيقوموا بإعادة تعريف البيدوفيليا بالطريقة نفسها التي تم إعادة تعريف الشذوذ الجنسي بها منذ عدة سنوات ماضية

بعدها يبدأ ظهور منظمات لدعم البيدوفيليا و الاعتراف بحقوقهم كأشخاص طبيعين لهم حقوق و ان ده مش اضطراب لكنه توجه جنسي عادي

- بعدها الموضوع يبقا علني اكتر و منظمات كتير تتكلم عنه زي TeD و يبدأ رد الفعل حوله يزيد لحد ما يكون طبيعي و تبدأ الدول في تشريع قوانين لحرية البيدوفيليا و الموضوع يكون طبيعي جداً

بعدها تتكون حركة للبيدوفيليا و يكون لها مطالب :
١- تقليل الحد الادنى للموافقة علي الجنس الي ١٠ سنوات
٢- ازالة البيدوفيليا من الامراض النفسية
٣- ازالة اي قانون يجرم العلاقة بين الطفل و البالغ

اللي عايز اوصله ان العالم مبقاش فيه امان ، ممكن كمان ١٠ سنين نلاقي ان عادي واحد بيطلب يمارس الجنس مع طفلك و ان ده من حقه عادي و دي طبيعة

- ده يقولك انك متسيبش اطفالك معرحد متأمنش لأي حد ، عشان ممكن يتحرش او يتعدى علي طفلك جنسياً ممكن يكون بني ادم مريض و بنشوف ده كتير ، حافظ علي ولادك عشان لما يكبروا الحادثة دي متأثرش علي ميولهم و نفسيتهم

خلي بالك ان التحرش بطفلك ممكن بأثر علي ميوله و ان من اسباب المثلية الجنسية هو تحرش او اعتداء جنسي في الطفولة
https://twitter.com/bluurr11/status/1042435104595947520?s=21 https://twitter.com/bluurr11/status/1042435104595947520

حوار بعد ٢٠ سنة
--
ممكن امارس الجنس مع طفلك ؟
= لا
ازاي في متخلفين زيك انت رجعي و متخلف

معرفش هيجي يطلب مني ليه اكيد هيكون الطفل ١٠ سنين مسؤول عن قراره ، انا مرعوب والله