يعني اليوم من اربعين مراجع ومراجعة فاتحلهم كارت … وعلى مدى ٨ ساعات كول وما عدا اللي تمشيهم ويجون يسألون اسئلة مو طارئة ومهمة واللي يفرفرون ويسألون براحتهم واللي تكتبلهم علاج خارجي بلا ما تدخلهم طوارئ … بس ٦ حالات طارئة كل البقية خرط والسبب النظام الصحي اللي ميحترم الطوارئ !!

الناس متعودة اي شي يصير بيها تجي للطوارئ … اي اهتمام بالعيادات الاستشارية ماكو ، نظام للحجز منا ليوم الدين ما يصير ، يعني يكعد الاخصائي ٥ او ٤ ساعات يشوف ٦٠ مريض!! وفوگاه صايرة كربلا من اللود … زين شلون هيج !!
شلون المريض راح ياخذ حقه والطبيب راح يشتغل صح … شلون !

كل اللي يصير هو عبارة عن استهتار ما اله حل ولا حيصير بوجود الحرامية،يعني احنة المريض حقه من نايم ويتوسل برحمة الله لان النظام ما يسنده بشي ، الكادر راح ينشغل بشغلات مو مهمة والسبب مجبور انه يمشي شغل ، محد يحميه ، الناس طالعة من الطريق ولان اذا تريد تمشي الطوارئ بس طوارئ تشبع مسبه

نداوم بدوائر صحة مستعدة تسوي مجلس تحقيقي بيك لمجرد واحد يروح يعلق ببوست ع صفحتهم وينطي اسمك بتعليق او رسالة للبيج !!
اساليب دكتاتورية … اساليب ما تليق بكل البشر … لكن تتحمل لان وثيقتك عدهم ، جوازك خرا … معندك شهادة عليا تخليك تستقل بالقطاع الخاص !!
#عيشتيش