Read on Twitter
قولوا آمين الله لا يطيحكم في يد شركة دو للاتصالات..
...يركبون خدمة، وثاني يوم يقطعونها بزعم أنك ما سددت رسوم التأسيس، والمضحك ما يقولون لك أن عليك التسديد فورا...ولا تدري الا بعد قطع الخدمة وتجلس ايام تلاحقهم لإعادة الخدمة بعد الدفع..ويردون بك.
ما فيهم رشيد يرد عليك..
...يركبون خدمة، وثاني يوم يقطعونها بزعم أنك ما سددت رسوم التأسيس، والمضحك ما يقولون لك أن عليك التسديد فورا...ولا تدري الا بعد قطع الخدمة وتجلس ايام تلاحقهم لإعادة الخدمة بعد الدفع..ويردون بك.
ما فيهم رشيد يرد عليك..
الشيء الذي يثير الاستغراب مع دو للاتصالات، أنهم اليوم ركبوا الخدمة وغدا قطعوها..تتصل بهم يقولون هناك عطل فني وسنصلحه، ثالث يوم تتصل نفس الكلام،وفي رابع يوم وبعد ٦ اتصالات يقولون لك أنك لم تسدد رسوم التأسيس..طيب قولوا لي..من أول يوم..تعودنا أن التسديد ضمن الفاتورة الشهرية.
والمثير أنك تسدد الرسوم...وتتصل بهم، ويرد عليك الموظف بسؤال طبعا بالانجليزي: وش القصة يالطيب...لا اعرف من المفروض الذي يسأل وش القصة أنا ولا هو. حسابي قدامك ومكتوب فيه كم مره اتصلت وعن ماذا...يالطيب..
تشرفت بالتعرف على كل موظفي خدمات العملاء وأخص بالذكر شاندران، وجهبور، وليلى، وكرمان، وفتحي، وأحمد، وسيروف، وساندران..ولا يهونون البقية وعذرا لعدم ذكر اسماءهم..نشامى وما قصروا صكوني بوعود ذهبية..ولا يهمك الخدمة بعد قليل ستعود يالطيب.طبعا لا شيء يحدث.بعد المعرفة صرت ودي اداوم معهم.
من كثرة الاتصالات والكلام المكرر مع موظفي خدمات العملاء في دو للاتصالات،صرت أمون عليهم، ويمونون علي..أحدهم يسألني وش تسوي مع كورونا...قلت له اشتغل من البيت لكن يوم طفيتوا الانترنت صرت اشتغل بانترنت هاتفي، واللي بتخلص جيجاواته بعد قليل..قال لي حول معنا هاتفك الموبايل..بغيت..ولا لا
الطيب موظف دو يريدني ان انقل هاتفي الموبايل لشرركته وانا هاتف المنزل والانترنت والتلفزيون معطل له كم يوم...شكله بيقضي على علاقتي مع العالم تماما.. عموما لم أنجر لمحاولاته..وقلت له انت بس رجع لي انترنت البيت وانا أجي كلي لعيون دو اتصالات ودجاج. وعيدك مبارك يا شاندران.
ما اطول السالفة، قبل قليل في حوار بيزنطي مع احد موظفي خدمات دو على المسنجر، ويسألني وش عندك وش مشكلتك للمره الألف مع هذا القسم ، وفجأة ودون سبب صكني بصفحة استبيان عن الخدمات..ما خلصنا يالطيب مستعجل على الاطراء ليه.ما يكفي زملاءك في كل اتصال يقولون اضغط على رقم ٩ بعد المكالمة.
متى يبدأ عمل شركات الاتصالات الفضائية وتتنافس في خدماتها...فيصبح لديك خدمة واحدة أينما حللت في العالم لجوالك ولبيتك. متى يا شاندران.
الحمد لله من قبل ومن بعد... بدأ سيل الترددات يصل الى تلفزيوني شكرا دو ... بحجّر للترددات حتى تكتمل الصورة...الحقيقة خدمة لا تنافس. الانترنت تقطع لكن معليش المهم رجعت...يمكن يبغى لها كم يوم لين يصير الضغط كاف في المواسير للوصول للروتر الخاص بي. خدمة ولا أروع.
الحقيقة أن دو للاتصالات لا تليق بدبي ولا رؤى الشيخ محمد بن راشد حفظه الله ولا أهل دبي الكرام ... شتّان ما بين الثرى والثريا.
