Sweet thread.

Kuvunguza umoya wethemba inhliziyo ayinamphelezeli
Ihamba iyodwa qwaba ibheke kwanhliziyo ngise
Ixoxa namehlo baxhumane ngengqondo
Ingqondo iyathatha iyabeka iyasusa ibeke mamaphambidlana
Engani kususwa ukhula olusenhliziyweni inxiwa lithengwe ngumnini omusha

Ubufakazi obuqanda ikhanda buthi
Umnini omusha wendawo lena belu esenhliziyweni naye usazohlupha ahlawuliswe khona la endaweni
Lapho esuka khona akaxoshwanga
Kodwaukuba akaxoshwanga ngabe akahamba
Kanti uhanjiswe yini?
Bathi ubesehleli engasathandi ngoba ikusasa bengasaliboni

Izinyoni zisho imilolozelo yazo zifundisa amaphuphu ukundiza
Inhliziyo yami iyacathula kancane kancane ivuka ekufeni
Odokotela bathi ngingaphatheki kabi ithemba ebeliphelile enhliziyweni sebelilungisile
Inhliziyo yami ivivela umphathi omusha