My favourite hymns and verse from Icilongo Levangeli.

Thread

3. Umhlobo Wami

4. Uyathwal' umthwalo wami,
Umhlobo wam'.
Uthi, wongithwala nami,
Umhlobo wam'.
Wayehlatshwa njengemvana
Az' angenz' owakh' umntwana.
Yek' inhlanhla yokwazana
Nomhlobo wam'.

4. NginoJesu

1. Thatha konke, nginoJesu
Konk' okuny' indiva nje;
Kodw' uthando lwakhe lumi,
Zolo, namhla, njalo, he.
Yek' ubuhle bokumazi
UMsindisi wethu lo
Yen' othando lwakhe lumi,
Zolo, namhla, njalo, bo.

18. Uthando Lukababa

1. Uthando lukaBaba
Lunje ngolwandle bo
Lubanzi lujulile
luyazeka yini pho?

3. O Baba ngiyabonga
Nangentliziyo yami
Sengiyavuma ngithi
UnguMsindisi wam

21. Malenanele Izulu

1. Lenan' izulu ngeculo lami,
Ngithethelelwe izono zam'!
UJesu wafa 'ndaweni yami,
Izono zami zikude nam';
Njeng' enhlukano yempumalanga,
Nentshonalanga, zikude le.
Ushilo njalo, akanamanga,
Ngithemba kuye, ngimbonga nje.

44. Inyanga Enkulu

1. Inyang' enkul' ikhona la,
Ogama linguJesu;
Umlulamis' ophansi la,
Manimlalel' uJesu.
Liphi eliny' igama na,
Esisindiswa ngalo la?
Alikh' eliny' igama, qha,
ElikaJesu lodwa.

54. Jesu Esiphambanweni

1. Jesu esiphambanweni
Ngikubona khona,
Lapho-ke usekufeni,
Uthwesiw' ukona.
Jesu wami, Jesu wami!
Usihlenga thina.
Kawunaz'izono wena,
Wangifela mina.

55. Umhlatshelo Wezono

1. Igazi lemihlatshelo
Yonke yabaJuda
Lalingeluqed' uvalo,
Lingesus' ukona.

4. Sengiyamethemba lowo
Owanikelwa le
EGolgotha, ngezono zam;
Nezabantu bonke

60. Hlengiwe

1. Hlengiwe limnandi lelizwi
Hlengiwe ngegazi leMvana
Hlengiwe ngomusa nothando
Ngenziwe sengaba umntwana.
Hlengiwe, hlengiwe
Hlengiwe ngegazi leMvana
Hlengiwe, hlengiwe
Ngenziwe sengaba umntwana.

62. Bayethe Nkosi

1. O, bayethe, Nkos' engcwele
Owangithwalel' umqhele!
Lowomqhele wakuhlaba.
'Kuze ngibe nokwethaba,
“O,bayethe, Nkosi yam”

2. Wawungenasici, Nkosi,
Wawumuhle hlabahlosi,
Kepha wakudela konke
Ngaz'izono zethu zonke.
“O,bayethe, Nkosi yam”

69. Thela uMoya

1. Nkosi, bhek' ibandla lakho,
Uyabona selomile;
Limathise ngom'sa wakho;
Konk' okwethu kuphelile.
Thel' uMoya oyiNgcwele
Phezu kwabantwana bakho.
Vus' owakho umsebenzi,
Libathsazw' igama lakho.

75. Nkosi Ngiyabheka Kuwe
Nkosi ngiyabheka kuwe
Ngikunik impilo yam
Mangiphathwe njalo nguwe
Uyikhomb indlela yam
Makuphele konk okwami
Ngikufune wena nje
Hlala enhlizweni yami
Ngize ngikubone le
Yebo Nkosi ngize kuwe
Ngidalule konk okwam
Mangizwiswe nguweJesu
Zisuliw izono zam

77. Kanye Nawe Nkosi Yami

1. Namhla ngiyaqhutshw'umoya
'Kuthandaza, Nkosi yami
Ngiyacela, mangihambe
Kanye nawe Nkosi yami.
Kanye nawe, Nkosi yami,
Kanye nawe, Nkosi yami,
Mangihamb'imihla yonke
Kanye nawe, Nkosi yami.

79. Ngihlanze Emoyeni

2. Mabala onke, Nkosi yam’,
Awungcolis’ umoya wam’,
Ngihlanze kuwo namhlanje,
Ungeze ngifuze, he.
Ngihlanze emoyeni wam’
Mangibethelw’ uqobo lwam’
Senginikele konk’ okwam’
Kuwe, kuwe, kuwe.

103. Jabulani Bazalwane

1. Jabulani, bazalwane,
eNkosini yethu la;
sizobizwa masinyane
ezulwini laphaya.
Nxa singena ekhaya
Ukubona iNkosi laphaya,
Sojabula sonke,
Sohlabelel' haleluya!

110. Webathandwa

1. Webathandwa yek’ inhlanhla
Yoku kholwa kuy’ uJesu
Noku phathwa ezakh’ izandla
Asiyise ekhaya ngale
Kuzo hlatshelelwa khona
Beshu haleluya, beshu haleluya
Njengomfula ohlokoma
Kudunyiswe inkosi ngale

111. Wongigcina ngci

1. Mhla ngidinwa ngikhathele,
Ungigcine,Nkos'.
Mhla ithemba linciphile,
Mhla ithemba linciphile,
Ake ungigcine.
Wongigcina ngci,
Wongigcina ngci!
Yeka ububele bakhe,
Wongigcina ngci!

116. Esandleni Somusa

1. Ngo msindis' onami la empini
Ngiyagcinwa noma ungathini
Ungisith' esivunguvungwini
Esandleni somusa
Esandleni somusa
Esandleni somusa
Ngiyagcinwa, Noma kungathini
Esandleni somusa

121. Siqonda Ekhaya

1. Siqonda ekhaya, nithini na?
Masingathiyeki ngalutho la
Nxa sikholwa lapha, sobona le
Sohlala noJesu kukuhle hle
Yebo, bakithi sombonga he
Loduma izulu linkeneze nke
uJes' ufanel' ubukhosi nje
ehe wodunyiswa phezulu le

162. Yimani Isibindi

4. Yimani isibindi'
Sekuzophel'ukulwa,
Umsindo wempi namhla
Kobogw,iNkosi ngomso;
Kobongwa namaqhawe,
Aphiwe nemiqhele
Abuse njalonjalo,
NeNkosi yobukhosi

178. Phaphamani Bazalwane

1. Phaphamani bazalwane baka-Kristu
Vukanini Sekusile bo
Hlomanini izikhali, bazalwane
Nisakwelwa ubuthongo, wo
Vukanini, bandla bo
Anibon' izitha na?
Hlomanini izikhali zokukholwa
ngoSomandla sizonqoba, ngo!

239. Ngingumfokazi

1. Ngingumfokazi laph'emhlabeni,
Ngifun'izulu,ikhaya lam',
Nom'inkathazo isendleleni,
Ngophumelela njoJesu wam':
Useceleni eduze nami,
Ebheka njal'ukuhamba kwam',
Uzongisiza nasekufeni,
Angingenise ekhaya lam'.

259. Entabeni Ekude

1. Entaben' ekude kwem' isiphambano.
Esinobuhlungu nehlazo;
Ngisithanda sona, ngob' uJesu wami
Wabethelwa kuso nge nxa yam'.
Ngakho ngisibabaza sona,
Ngize ngibeke phans' umthwalo,
Ngizobambelela kusona
Ngize ngizuze umqhele wam'

261. Uphi Umhlobo onjengoJesu

1. Uphi umhlobo onjengoJesu?
Kakho, qha; kakho, qha;
Ongaphgilisa izifo zethu?
Kakho, qha; kakho, qha.
Uyazaz' izinsizi zethu
Noma ziphela noma cha.
Uphi umhlobo onjengoJesu?
Kakho, qha; kakho, qha.

262. Vukani bandla bo

1. Vukani, bandla, bo, nilaleleni na?
Anikamuzwa yin' uMoy' omusha lo?
Usemhlabeni la; somthola nini Na?
Nang' uMthokozisi
Ngemple' usemhlaben', uvela ezulwin'
Uyakuhlanza konke okusenhlizweni'
Siyoba-mhlophe qwa?
Sohlanzwa yebo na?
Nang' uMthokozisi