كان نفسي يجيلي تكليف نائي و ماجليش المكان اللي انا عايزاه و رجعت مركزي و كنت زعلانة انني كده خسرت حركة نيابة نائي و ان المركزي حضوره يومياً و مش هعرف أتدرب في الميري... بس جالي مكان كويس مركزي و حضوره قليل.
جات حركة نيابة الاستثنائي و المستشفيات مش حلوة اوي و بعيدة بس قدمت فيها. https://twitter.com/karimhilall/status/1247180515624574976">https://twitter.com/karimhila...

و ماجليش حاجة بردو و كنت حاسة ان مستقبلي بيتأخر يوم بعد يوم و ان وجودي في الميري غلط في وقت كان فعلاً وجودي بدأ يعمل مشاكل فبدأت اتجرأ آخد خطوة برة الsafe zone فحصل الوباء و اتلغى.
جات حركة النيابة الملحة و ماكنش ليا فيها بسبب انني اتأخرت في الاستلام يومين بالضبط.

طلع في ناس زيي كتير و طالبوا بمد الفترة اللي في الشروط و تم مدها فعلاً، و المستشفيات اللي نزلت كانت في اسكندرية و كويسة و قدمت و انا ضامنة مش حيجيلي حاجة، و جالي الحمد لله تاني رغبة كتباها اللي كنت عايزاها أكتر من الرغبة الأولى أصلاً و استلمت الحمد لله.

اللي هو لو كان لسه عندي الامتحان اللي اتلغى ماكنتش حعرف اركز من التوتر في الاستلام و النيابة و لو كان ليا نائي كنت لسه حستنى لما أتم سنة من عملي في التكليف.
التدريب في الميري لسه بيتأجل و عندي يقين تام إنه حيبقى لحاجة كويسة ليا في النهاية بردو.
فالحمد لله حتى يبلغ الحمد منتهاه.

فدول مش كلمتين ناس بيكتبوها يلموا بها traffic على صفحاتهم و خلاص، ده حقيقي و في حياتنا اليومية و لو فكرت شوية في اللي انت بتمر فيه هتلاقيه أرحم من اللي انت كنت تتمناه.