كيرف العشرينات ده حزين ومذهل في نفس الوقت، تبدأها مقطع البطاقة متأكد من كل اللي عايزه وتفرك وتجرب وتتخيل أن حياتك هتأخد مسار الشاب اللي هيسكر ويصحى كل يوم في مكان بس أفشخ واحد في شغله، توصل في نصها تلاقي نفسك واقف تجيب أكل البيت وتحسب فواتير الصيانة والإيجار والمسؤليات اللي وراك

وبدل ما تختار العربية السبورت تختار العربية ال ٤ باب عشان شكلها عملي لوضع عائلي أكتر، معنديش أي سخط على أي نقطة في حياتي، بس أنا بدأت عشرينياتي بكل القوة، كنت بكسب قرشي ومحدش ليه كلمة عليا ومش هاممني حد وجربت كل حاجة وجبت آخر العداد في حاجات كتير مش عارفة وقفة هنا ازايD:

وبعدين نص العشرينيات ده برضه فيه تطلعات مختلفة، عايز يبقى عندك بيتك لوحدك اللي بفلوسك، عايز تاف العالم بس عايز تلفه في شغل و مؤتمرات مش سرمحة وعربدة عشان تلاقي تأكل بعدها، هي أمنيات حلوة برضه بس لابسة لباس الحكمة

ونص العشرينات برضه في تقبل لحاجات بصدر رحب بدل ما كنت مصمم أنك هتغير العالم، وده شئ جميل بصراحة. و فيه تغير لمفاهيم السعادة والقوة والحرية، و تغير في علاقتك بأهلك بشكل مريب، بتبدأ تتحمل مسؤلية العلاقة بالعكس.

حاسة أن أدين بأعتذار لكل الناس اللي قولت عليهم نمطين ومستسلمين وأنا صغيرة، الإنسان بيغير اختياراته و تطلعاته عادي.