- نعيد ذكريات آخر لاب حقي بآخر يوم دوام قبل لا تنقلب الحياة رأسًا علىٰ عقب، الإختبار الأول و الخطوة الأولىٰ لكشف وجود المادة المخدرة من عدمه ..
•••••••••

أول شي نبدي شي خفيف بسيط، لازم نعرف إن كل مادة مخدرة لها خواصها و تأثيراتها إلي تميزها عن غيرها بحيث إن راح نصنفهم علىٰ أساسها لي 7 عوايل و كل عايلة تتكون من أفرادها!
مثلاً عايلة الـ Opiates فيها :
- هيروين- مورفين و غيرهم .
عايلة ثانية اسمها الـ Amphetamines و هٰكذا ..

الحين إذا يالنا شخص شنو العينات إلي ممكن ناخذها منه عشان نكشف عن وجود أحد أفراد العوايل المخدرة؟ عندنا خيارات عديدة:
- دم- لعاب- شعر - عرق - بول "عزكم الله" ،

- هل في اختلاف بين هالعينات؟ سُبحان الله كل عينة لها قُدرة وقتية مُختلفة باختلاف نوع المادة مثلاً الكوكايين إذا خذيت عينة لعاب راح توريني فقط إلي انوخذ قبل يوم أما عينة الدم لا راح أشوف الي قبل عشر أيام أما الشعر فممكن توصل لي فترة توصل لي ٣ أشهر !

ممكن نختلف بالمدة بهالمواد يعني مثلاً تخيلوا معاي شخص خذا مورفين قبل يومينو خذيت عينة من دمهبس لما حللناه ما طلع إن المادة موجودةمع إن المادة مفروض تظل ٣ أيام؟ هني يكون السبب اختلافنا كبشر بسرعة الهضم، العمر، الكبد و قدرتها، كتلة الجسم شكثر كمية انوخذت!

شنو أكثر عينة تستخدم بمختبر السميات الجنائية؟ عينة البول عزكم الله، شنو أول خطوة عشان أبدي أول اختبار عشان اكشف عن وجود المادة أو خلطة المواد المخدرة إلي خذاها الشخص عن طريقها؟

أول خطوة راح تكون عبارة عن اختبار أولي جدًا مو وظيفته يقولي الكمية و لا يقولي حرفيًا كل مادة بالملي NO، يكون وظيفته فقط يعطيني نتيجة تتمثل في: (+) المادة موجودة، (-) المادة مو موجودة، هل اهوا اختبار نهائي دقيق نهائيلا مجرد خطوة أولىٰ يعطيني فكرة عامة يساعدني أحدد طريجي

- الإختبار يعتمد علىٰ Immunochromatographic assay، أوك الإسم أطول من حياتي بس شنو فكرته و شلون يساعد نعرف إن هالشخص كان متعاطي؟

أول شي نشرح الإسم عشان توصل ..
- بارت immuno = يعطيكم فكرة إن في جنود من جهاز المناعة راح يساعدون التست إن يكشف صاحبه، المتمثلين بالحبايب :
Antibody (Ab)+ Antigen (Ag)
- chromatographic = بارت يمثل كروما كلمة أصلها أغريقي معناها = لون

الحين نجمع المعنيين نظريًا .. الإختبار مبني علىٰ جنود مجهولة راح تتنافسو نتيجة المنافسة راح يصير عندنا روابط كيميائية تربطهم بين بعض علىٰ حسب منو أسرع و شنو الموجود هٰذا اللقاء و الإرتباط راح يعطي آشارةمُتمثلة بظهور لون، نمط هٰذا اللون راح يحدد لي النتيجة هل + أو -

الحين نبدي شغل اللاب الصجي و شلون هالفكرة راح نشوفها عمليًا .. ٣ عينات بول عزكم الله من ٣ أشخاص راح نطبق عليها الإختبار بحيث نعرف من التست كل شخص فيهم شنو المادة/ المواد إلي متعاطيها!

أول شي نجرب هالشي، راح نعبي فيها بمستوىٰ معينمن عينة البول إلي عندنا طبعًا كل شي متضبط من ناحية pH درجة حرارة يعني الظروف متهيأة عشان نحصل أفضل نتيجة كون في أشياء ممكن تأثر مثال عليها اذا اختلف الـ pH، راح تلاحظون في أشرطة بألوان مختلفة كل اختصار يمثل اسم مادة مخدرة مُعينة!

إذا طلع عندي شريطين حمر يعني = - مو موجودة هالمادة، شريط واحد = + المادة موجودة ، شريط واحد بس مكانه غلط أو بدون و لا شريط = error خرّف مو عارف يفرق و لا عارف يحدد موقفه إذا + أو - ممكن نستخدم طريقة ثانية عشان نحدد إذا من الأداة أو شي ثاني!

لاحظوا وين المكان إلي في شريط واحد يمثل الـ + ؟
- OPI = opiates
- AMP = amphetamine
- THC = cannabis
- MAMP = methamphetamine
ليش قتلكم إن اختبار أولي و ما يعطيني شي بدقة؟ لو تلاحظون الـ OPI عايلة بهالتست ما حددلي أي فرد بالضبط إلي موجود بس قالنا الإسم العام!

الحين الأداة الثانية، كل وحدة فينا خذت عينة انا ماذكر كنت ماخذة أي رقم بس أذكر إن كانت أكثر عينة صاحبها يايب العيد ماخذ خلطة اسم الله عليه، المهم الله يهدي الجميع نحط شوية منها في الـ ..

شفتوا الشي إلي چنه أسنان تحت راح نحطه بحيث يلامس العينة الي عندنا..

هالعينة كلهم - فيهم شريطين ما عدا ثنتين (+):
AMP = amphetamine
MET = methamphetamine

هالعينة طلع عندنا ٤ (+)، ملاحظة إذا كام الخط الثاني موجود بس لونه فاتح هم نعتبره (-) حتى لو اللون خفيف .. المهم المواد الموجودة و تعاطاها الشخص:
AMP = Amphetamine
BZO = Benzodiazepines
THC = cannabis
MDMA = Methylenedioxymethamphetamine

هالعينة فيها ٣ مواد واضح إنها + الـ OPI بالصج كان فيها خط ثاني فاتح حيل فتعتبر - المهم المواد الموجودة :
- THC = حشيش
- AMP = أمفيتامين
- MET = ميثامفيتامين

هل كل (-) معناها إن الشخص مو متعاطي المادة؟ لا مرات تطلع - لأن انهضمت و طلعت من الجسم مالها أثر فمنطقي ما يطلع لها أثر في العينة، أو حالة ثانية ممكن العينة نفسها مركزة بشكل كبير بحيث إن كان مفروض يتم " تخفيفها" عشان يقللون عدد الجزيئات و ما تصير فوق طاقة الجهاز و تأثر عالنتيجة!

العكس.. هل كل (+) معناتها متعاطي؟ لا ممكن في أنواع أدوية تعطي نتيجة مادة مخدرة و توهق الآدمي، فعشان هيك قلنا تست "أولي" نحتاج عشان نأكده نسوي تست ثاني تأكيدي جدًا بشنو المواد بالضبط و بالكميات بحيث إن يكون الثاني نتيجة مؤكدة ما تقبل الشك نفس التست الأول!