طيب المره د موضوعنا ح يكون عن تأثير الإباحية على العقل، أغلب المعلومات مشتقة من كتاب (your brain on porn ) ، الموضوع د كبير جدا لكن اتمنى انو اكون قدرت اوصل ليكم حاجه معقولة والأرقام المذكورة يمكن تكون اقل من الواقع حاليا ف ممكن تمشوا تواصلوا براكم ، يلا نبدأ https://abs.twimg.com/emoji/v2/... draggable="false" alt="👇" title="Down pointing backhand index" aria-label="Emoji: Down pointing backhand index">https://abs.twimg.com/emoji/v2/... draggable="false" alt="👇" title="Down pointing backhand index" aria-label="Emoji: Down pointing backhand index">https://abs.twimg.com/emoji/v2/... draggable="false" alt="👇" title="Down pointing backhand index" aria-label="Emoji: Down pointing backhand index">https://abs.twimg.com/emoji/v2/... draggable="false" alt="👇" title="Down pointing backhand index" aria-label="Emoji: Down pointing backhand index">

متابعة الإباحية م من الليله او امس الحاجه دي قديمة بتنتشر بشكل كبير بين الشباب وحقيقة الأرقام الحالية بتشير لانو معدلات المشاهدة ف الجيل د أكتر من معدل المشاهدات لنفس جيل أجداد الشباب ديل منها الارقام د وكلها تحت عمر 13
2008: 14.4%
2011: 48.7%
2017: 69% للذكور ، 23% للإناث

لحدي قبل سنتين م كان ف اي دراسات بتثبت بشكل حاسم انو الافلام الإباحية ليها أضرار على الناس
وتقريبا السبب كان انو الباحثين م كانوا قادرين يعملوا مقارنات نسبة لقلة الشباب الما بحضورها وكدا المقارنة بقت صعبة

قبل م نتكلم عن الأضرار لازم تعرف مخك كيف بيشتغل.
مخ الإنسان عندو حاجه اسمها Reward Circuit او دائرة المكافأة ، مثلا لمن تلعب كورة او تشتري هدوم جديدة او تتكلم مع ناس بتحبهم او تلعب ويست او يعني بتعمل حاجه بتخليك سعيد ، وقتها مخك بيفرز مادة اسمها Dopamine او هرمون السعادة ،،،

والهرمون د بيتم انتاجو بشكل طبيعي والحاجه دي بتتسمى بال natural reward يعني المكافأة الطبيعية ، و د شعور بشعر بيهو اي انسان طبيعي ، يلا مشكلة الافلام الإباحية انو فيها تنوع والحاجه دي بتخلي مخك يفرز كمية كبيرة من هرمون ال dopamine دا و معاهو مادة تانية كمان اسمها DeltaFosB ،،،

يلا عملية إفراز المادتين ديل اسمها Binge mechanism او يعني آلية الشراهه وبتخليك داير تتفرج زيادة ، والعملية دي بتأثر على مخك بشكل سلبي ويتسبب ليك 3 حاجات بتحصل ( للبعض م لي كل الناس) :
1- بتفقد المتعه ف حاجات كتيره نسبة لانو انت اتعودت على نسبة عالية جدا من
ال Dopamine.

2- بتسبب حساسية مفرطة تجاه الصور او الفيديوهات او حتى ناس ف الحياة يعني بمجرد م تشوفهم بتحس انك عايز تمشي تحضر
3- بتأثر الإباحية على منطقة ف المخ اسمها Prefrontal Cortex بشكل سلبي ودي منطقة الإرادة ف المخ يعني بتلقى نفسك م قادر تطلع او م قادر تقرأ او م قادر تتونس مع الناس وهكذا.

من الحاجات السلبية وبتأثر ف الحياة الزوجية عموما مشكلة اسمها Erectile Dysfunctions او ضعف الانتصاب والحاجه دي تأثيرها كبير وحتى لقو انو ف ناس نظرتهم للنساء بتتغير وببقى فيها نوع من الاحتقار و د بيؤدي لي طلاق غالبا ..

ف دراسات بتقول وبتثبت انو ف وجه تشابه كبير جدا بين مشاهدة الافلام الإباحية وتعاطي المخدرات من ناحية الإدمان عليهم وتقريبا بنفس الدرجة..

وحدة من ميزات المخ حاجه اسمها Neuroplasticity او المرونة العصبية ودي حاجة بتخليك قادر على انو تغير من حياتك ف بتساعدك على انو تقيف متى م جاتك الإرادة ، من الحاجات القالوها الناس البطلوا الافلام الإباحية انهم بقو بحسوا بنشاط وبقو اجتماعيين وقدروا يتخلصوا من الاكتئاب وغيرو الكتير

طيب كيف تتخلص من الإباحية؟ حقيقة ف حاجات كتيره ممكن تتعمل لكن هنا بعض منها :
1 - امسح اي حاجه ليها مدلول جنسي من تلفونك
2 - اطلع اكتر مع الناس واختلط بيهم وعيش معاهم
3 - العب رياضة بشكل مستمر لانو الرياضة بتساعد على إفراز Dopamine الانت اتعودت عليهو من الافلام الإباحية

4- فتش ناس يساعدوك انك توقف زي ف 2011 ظهر منتدى اسمو NoFap تابع لموقع Reddit فيهو ناس كمية بحكو تجاربهم وانهم كيف قدروا يتخلصوا من المرض د وبقدموا مساعدات كتيره منها النفسية للجنسين وغيرو من المواقع والبرامج
5 - استحمه بموية باردة أو يكفي ترش منطقة العانه بموية باردة

ختاما اتمنى اني اكون أفدتكم ولو صبت فمن الله وان أخطأت فمن نفسي والشيطان واتمنى انو تكون المعلومات كفاية

المصدر كتاب your brain on porn الكاتب gary Wilson

وشكرا