الاسعار دى معناها أن تكلفة اغلاق بئر ثم إعادة تشغيل تتجاوز قيمة طرح كميات بسعر ارخص من تكلفة التخزين،وخاصة أن فترة خمود الصناعة و انحسار الطلب علي الطاقة عموما هى فترة غير معلومة

انا اعرف شحنات واقفة في البحر من اكتر من اسبوعين وفعلا مش عارفين تروح فين،مافيش سعات تخزينية ولا في استهلاك و مصاريف التشغيل ماحدش حايتحملها لفترة طويلة،سعر WTI لايمثل القيمة حتى تحت هذه الظروف واعتقد حايتحسن بسرعة

المشكلة دى تنعكس علي محطات التكرير وبالتالي المنتجات،السولار مثلا في منه فائض ضخم في الاسواق،احنا منها بالمناسبة، أتخيل أن مصانع تكرير ستتوقف وده له أضرار تانية،ترامب لما كان بيحاول يضغط لعودة النشاط الصناعى كان محق،ولكن القرار صعب وده نوع ضخم وجديد من ال crisis

اصابع اتهام كتير حاتروح للسعودية و روسيا لأنهم لم يلتزموا بخفض الإنتاج ،ولكن السؤال،هل لو خفضت الدولتين حتى ٢ مليون برميل اللي هو اكتر من المتفق عليه،هل كان سينقذ الموقف؟ لا اعتقد إطلاقاً،ربما كان يؤجل ماحدث اليوم و هو بالتأكيد عامل ساعد في الانهيار ولكن أراه تأثير طفيف