Read on Twitter
Memandangkan sey stuck kek UK niaha. Sey cito la comano diorang punyo lock down yo.
Kek Mesia, PKP eh sumo takleh klua umah. Molainkan ado hal ponting. Polis sini sano, roadblock pun banyak. Jogging posumo tak boleh.
Tapi sinia lain sikit. Sikit yo lain eh
Kek Mesia, PKP eh sumo takleh klua umah. Molainkan ado hal ponting. Polis sini sano, roadblock pun banyak. Jogging posumo tak boleh.
Tapi sinia lain sikit. Sikit yo lain eh
Kodai sumo eh tutup melainkan kodai makanan barang asas contoh eh tesco. Tu pun dio jago dalam tesco kocik tu (bosa lagi Zemart rombau), 5 orang yo boleh masuk. Kek pintu masuk tu ado sanitizer. Peh tu boratur la kek lua tunggu turn.
Lopeh tu kek dalam tu dio lotak solotip dio buek kotak. 1 kotak soghang yo boleh pijak. Nak jago jarak la kiro eh.
Kalau topijak la 2 orang dalam 1 kotak tu ko tengok la dijoling eh macam kito ambik kulit ayam mcd dio lah punyo tajam joling mato tu. Kot di joling, risau kono tompik yo. Taksompek lak ambik gambar kotak tu nak tunjukkan ha
Tapiiii, diorang masih boleh klua jalan potang bawak anjing, jogging ko apo ko. Sobab eh itu hak asasi manusio (bagi diorang). Jadinyo takleh nak halang. Cumo eh jangan la klua sekolompok ghamai2 cam cik kiah. Tu nanti kok ditangkap kek polis mmg kono saman lah cito eh
Cam blakang umah sey ni padang. Potang2 nampak la ado orang klua main dgn anjing eh baling2 bola centu. Sekarang baru masuk spring, maso winter takdi nak baling2 bola doh. Sojukkkkk. Spring ni okay lah sikit. Boleh la main koja koja
Kalau ikut number UK mmg ramai la yg kono covid. Boribu! Tapi sey kek area Scotland. Nak lagi specific, kek Edinburgh. Sey tak pasti specific Edinburgh borapo. Tapi sey bukan duk kek bandar. Sey kak pinggir2 bandar. Takdo la sosak mano orang eh. Jadinyo keadaan kek sinia terkawal
Kalau skolah/uni pulak, diorang dah tutup dah. Kato eh bulan 9 baru bukak. Sinia takdo bagitau lockdown 2 minggu ko apo ko. Dio kato lockdown yo. Maso taktahu sampai bilo. Tapi sinia kalau uni, online class tu dah biaso dibuek. Takdo la kolam kabut sangat
Kek sinia, uni sey tu lecture class eh direcord. Lopeh tu dio lotak la kek website. Lecture tak wajib dtg. Ado yg tak ponah poie pun. Sobab eh tengok yo la slide dgn video online. Dio mmg record maso lecturer ngaja.
Jadi eh bilo class online, takdo la memasing risau bona. Cumo eh untuk year 1&2 punyo final exam, cancel! Dio ambik markah assignment yo. Nasib sey sompek siapkan assignment sobolum lockdown. Kot tak susah lak nak video call dgn kengkawan sobab eh group kan
Oh lupo! Haritu, PM UK pun +ve covid! Donga cito sampai ICU. Lopeh tu sotiap umah dapek surat dari PM kato eh suh duk umah, takyah klua kalau takdo bondo ponting. Kot nak jogging ko apo ko buek sohari sokali yo. Tapi sekarang dah ansur pulih kato eh.
Covid ni tak kiro orang. Sumo dilontung eh. Jadi waghih2 sumo jago la diri elok elok. Tompek sey Rantau tu donga cito nak zon merah dah. Risau sey kek ibu ayah sey tu ha. Apooo laa bega na sumo eh ni.. Orang suh dok umah yo. Bukan botukang buek rumah baru
Nak ghayo ko tak sumo eh ni???? Nak makan lomang jiran ko tidak?? Nak habis an kueh rayo jiran ke tidaakkk??? Nak rayo umah crush ke tidak??????? Kalau nak, duduk yo la kek umah tu. Nasihat an adik abang ibu ayah duk umah skali. Sey pun dok umah tak klua ha
Sey 2 hari lopeh baru gi bandar. Dalam 10 min naik keto. Poie boli ayam halal yo. Kek city centre yo ado daging halal. Time tu tengok longang la. Kodai sumo eh tutup. Kodai makan pun ado take a way jo. Tu pun tak sumo eh bukak. Sodih lak raso eh. Dulu elok meriah. Sekarang sondu
Tapi untuk kobaikkan. Takpo lah. Lalu lak kek uni sey. Alaahiiii sodih nengok eh kosong longang. Selalu eh bogorumbik orang kek situ. Tak sangko lak sey akan cakap cenia tapi sey rindu la nak poie class, nak bolaja kek class. Naik bus turun bus poie class
Buek maso skarang kito jadi la hero dongan duk umah ontok ontok yo. Iron man sumo tu kono lawan lawan nak jadi hero. Kito dok umah yo dah jadi hero nogaro dah. Bukan payah na pun kan. Dok umah yo
Ado papo laei ko nak ditanyo? Sey ghaso la cito habih dah.
Cumo eh sey sodih sikit la harini. Haritu sey book dah flight balik. Lopeh tu dapek call kato cancel, kono tundo. Sey okay la tundo. Tapi tadi dapek call cancel lagi. Sodih sey bilo laaa sey dapek balik ni ha
Cumo eh sey sodih sikit la harini. Haritu sey book dah flight balik. Lopeh tu dapek call kato cancel, kono tundo. Sey okay la tundo. Tapi tadi dapek call cancel lagi. Sodih sey bilo laaa sey dapek balik ni ha
Sey mmg la nak ghaso ghayo kek sini tapi taknak sey ghayo sobulan sini doh. Nak gak sey ghayo kek ghantau dongan ibu ayah sey. Nak gak sey collect duit rayo RM 
https://abs.twimg.com/emoji/v2/... draggable="false" alt="đ" title="Loudly crying face" aria-label="Emoji: Loudly crying face"> japgi sey nak check bilo tarikh flight yg ado. Doakan la yo waghih. Sey nak makan rondang nismilan
