Read on Twitter
هكتب عن شوية فروقات بين دماغ الست والراجل في الثريد ده ....
المخ عند الراجل والست فيه نفس الاجزاء و المراكز العصبية لكن فيه اختلافات كبيرة ف حجم المراكز دي وكمية الموصلات اللي بتربط بينها و بين بعضها.
الراجل مخه عبارة عن بلوكات يعني مثلًا شقه متقسمه اوض كتيرة حجمها صغير كل اوضة فيها حاجه (اوضة للشغل/اوضه للبيت/ اوضه للصحاب /اوضه للعربية/ ...) _وعنده اوضه كبيرة اسمها الnothing area هنرجعلها_ وبالتالي الراجل مبيعرفش يفكر ف كذا حاجه ف نفس الوقت.
بينما الست مخها عبارة عن اسلاك متداخله ف بعضها يعني مثلًا شقة كبيرة مفتوحه على بعضها تقدر تعمل كذا حاجه ف نفس الوقت.
تعقيبًا على الnothing area فا دي الراجل بيحب يقضي فيها جزأ من وقته عشان يفصل ممكن يقعد يقلّب ف التلفزيون يمسك كتاب يمدد كل ده وهو سرحان ف اللاشيء ولو كلمتيه ساعتها مش هيبقى مركز و ده للاسف ممكن يعمل مشاكل
ده لأن الراجل بيقدر يعمل لمخه on و off لكن الست للاسف مبتعرفش تعمل ده ودايمًا مخها مشغول حتى ف الاجازات(يو جمعه/عيد/مصيف /...) تلاقي دايمًا وراها حاجات تعملها فيها عشان كدة دايمًا مرهقه.
النواقل ف مخ الراجل عبارة عن انتقال من نقطة لنقطه اما ف مخ الست حركه عشوائية .وبالتالي الست multi asking ممكن تتكلم ف ٣٠ حاجه ف نفس الوقت والمفروض الراجل يرد على كل حاجه فيهم لوحدها وده ممكن يسبب مشكلة عشان بيبان انه مش مهتم بكلامها فا هتقوله انك مش بتسمعني و كدة
الست اما بتضايق بتبقى محتاجه تحس بتعاطف "وجداني" يعني بتحتاج تفضفض و اللي بتحكيله يحسسها انه مقدّر و متفهم شعورها بس الراجل مش بيكون فاهم ده عشان كدة بيتعاطف معاها"عقلانيًا" بيكون عايز الشكوى مختصرة فا & #39;ينجز& #39; و يديها الحلول،
والفرق ده بسبب حاجتين ف المخ:
والفرق ده بسبب حاجتين ف المخ:
مجموعه خلاياmirror neuron system MNS مسؤولة عن التعاطف الوجداني بتخلي الشخص يتعاطف مع الناس ويحس بيهم عشان كدة اما حد يعيط بنحس ساعات اننا عايزين نعيط معاه من غير المنظومه دي هنبقى باردين و نفقد الاحساس بالناس فا دي موجودة عشان تقربنا من بعض ومن غيرها يتفتح باب القسوة و الايذاء
الحاجة التانية منطقه ال temporoparietal junction "TPJ" دي مسؤولة عن التعاطف العقلاني بتحط حدود لمشاعرنا عشان ندوّر على حلول منطقية الاتنين دول موجودين عند الراجل والست لكن مع اختلاف الظروف على مر السنين بقى كل واحد عنده جزء بيشتغل اسرع من التاني عند الراجل TPJ اما الست MNS
الراجل لما بيزعل بيكون محتاج يقعد في ال nothing area دي ينعزل لوحده من غير ما حد يشوش تفكيره عشان يقدر يتعافى لوحده و يطلع بحل فا لما الست تقعد تقوله مالك عشان تشاركه عاطفيًا هو مش هيفهم ده و هيضايق و هيتعصب اكتر وده بردو ممكن يسبب مشكلة
على عكس الست هتحتاج انه يسمعها و تعيطله هي محتاجه تفضفض اما هو عايز ينجز و يدي حلول لو هو قعد يقولها تبطل عياط و يدور على حل كدة هتقوله مثلًا انت عمرك ما سمعتني ولا فهمتني ممكن ينتهوا بخناقه لازم هو يسيبها تفرغ مشاعرها كلها و يتعاطف معاها وجدانيًا اكتر منه عقلانيًا
ده بيخلي الست اذكى عاطفيًا من الراجل، الست بتكون عارفه ان اغلب مشاكلها ملهاش حلول او حلولها صعبة فا بيتعاملوا مع ده و يتأقلموا عليه و الحاجه الوحيدة ال بتخليهم يتعايشوا مع الواقع هو التعاطف
،بيحتاجوا يطلعوا ال جواهم و حد يحسسهم انه حاسس بيهم و مقدر مشاعرهم ده كفايه انه يديهم قوة انهم يكملوا عشان كدة الست مهم بالنسبالها تفضفض وده ال بيخلي كلامهم اكتر من الراجل عشان الفرق ف متوسط عدد الكلمات ده لزوم التفريغ العاطف
من ضمن الحاجات اللي بتعمل مشاكل بردو ان فيه منطقة اسمها الجهاز الطرفي ده مسؤول عن المشاعر والانفعالات و ده مختص بالعلاقات ده بيشتغل بنشاط اكبر عند الست عشان كدة هي بتحس بمشاعر الناس و مشاعرها وده اقل بكتير عند الراجل
فا بتبقى مشغولة بكل التفاصيل والعلاقات مشاكل اهلها و صحابها و ولادها بتبقى عايزة تقعد تحكيله عن كل ده و ده بالنسباله كلام تافه تفاصيل ملوش دعوه بيها فا يفصل منها و هي تقوله انت مش سامعني ليه وانه مش مهتم و تزعل منه
الست بتميل للتلميحات دايمًا ف حين ان الراجل بيحب الكلام مباشر يعني لو هي جعانه وانتم ف الطريق مش هتقولك انا جعانه غالبًا هتسألك هو انت جعان ساعتها لو مش جعان هيقول لا و ده مش الرد اللي هي مستنياه
عشان الست بتقول كلام كتير عشان يفهم التلميحات من وراه اما الراجل بيقول الكلمه المقصودة فا بالتالي مثلًا اما تقوله انت عمرك ما فهمتني هو هياخدها بالمعنى الحرفي اما هي مش قصدها كدة
الست بتهتم بتفاصيل الامور و بتربط المواضيع ببعضها بسبب ان حجم ال corpus callosumاكبر عندها عن الراجل و ده عبارة عن مجموعه واسعة و سميكه من الاعصاب مسؤولة عن ربط فصين المخ مع بعض اليمين والشمال
اما الرجالة عندهم ميل لاستخدام فص عن التاني (الفص اليمين مسؤول عن الابداع والخيال والعواطف و الشمال مسؤول عن الحقائق والارقام)
الستات قدرتهم على استشعار الخطر عالية جدًا فا يحسوا بالصغط والتوتر و ده بيخليهم عرضة للاكتئاب مرتين اكتر من الرجالة زي مثلًا لو الراجل عليه ديون كتير هي ممكن تحس ان حياتها بتبوظ و تقلق جدًا على المستقبل
اما الراجل لو اتضغط ويغضب غضبه بيتحول لعدوانية اكتر منه خوف لسبب متعلق بمجموعه من الهرومنات و كدة ودي بتقلل عنده الخوف و بتديه الحافز للمواجهه
والست ف المقابل عندها قدرات على امتصاص الغضب وتحمل الخلافات عشان تحافظ على العلاقة وده عشان الجزأ المتحكم ف الغضب والمشاعر السلبية prefrontal cortex اكبر نسبيًا عن الست عشان كدة بتحاول تعالج الامور وتبعد عن المواجهه قبل ما تروح سكة الغضب
ذاكرة الرجالة و الستات في الحقائق متساوية لكن الستات عندهم قدرة اكبر على ربط الأحداث بالمشاعر اللي كانوا بيحسوا بيها ف الفترة دي فا الست اما بتسترجع الحدث بتسترجع معاه الاحساس العاطفي اللي حسته وقتها كأنها بتعيش التجربة من تاني.
عشان كدة ممكن تعيط لو بتحكي وبتفتكر موقف والراجل بيستغرب انتِ بتعيطي ليه دلوقتي
الكلام ده كله طبعًا نسبة وتناسب مش تعميم لكل قاعدة شواذ فا اكيد فيه اختلافات. و مفيهوش اي اساءة وميعبناش ف حاجه دي كلها حاجات ف الدماغ ربنا عملها لحكم معينة و اتكونت على مر السنين ده بس مجرد توضيح لشوية حاجات عشان نفهم بعض مش اكتر.
نسيت اوضح بردو ان عشان الراجل يدخل اوضة لازم يخرج من الاوضة اللي هو فيها وده السبب انه مبعرفش يفكر ف كذا حاجه ف نفس الوقت وبالتالي اما يبقى بيذاكر او ف شغل او ايًا كان ومش بيكلمك هو مش ناسيكي او مش مهتم هو مبيعرفش يفكر ف اكتر من حاجه مع بعض زينا
ده مش دفاعًا عنهم ده توضيح عشان متحرقيش ف دمك
https://abs.twimg.com/emoji/v2/... draggable="false" alt="😂" title="Face with tears of joy" aria-label="Emoji: Face with tears of joy">
