تويتر عبارة عن ٣ مجموعات تتراشق ربع صدام من جهة ربع الامريكان وفضلهم علينا من جهة والدعوجية من جهة بس اهدئو عيني.. محد جان عايش برفاهية بوكت صدام خاصة بعد حرب الكويت وصدام حسين والكل يقر انه اجرم وقتل واذى وان اختلفت الحجج..

لكن الجوع والفقر والحصار مجان موجود ببداية البعث او بداية حكم صدام على العكس كل الاذية اجتي وية اللي صار بعد حرب الكويت وهواية موقنين انه هو لعبة اندمرت وراهة الدولة واندمر الاقتصاد وبقو الكويتيين يبوكون النفط حتى اللحظة :) ..

مجان صدام حسين القائد الحلم وجان سايكوباث مهووس بنفسه وبتحويل شخصه لرمز الكل يقر بهاي الحقيقة لكن جان العراقي محترم مأمن على حياته.. التعليم جان بيه خير جان عدنا قطاع صناعة شغال قطاع زراعة شغال

كل الامور جانت جيدة لحد حرب الكويت اللي جانت لعبة ممتازة وغباء صدامي حتى ينفرض علينا الحصار وينتهي اقتصادنا وتكعد الدولة.. قرار حرب الكويت هو اللي اضعف صدام وجيشنا واميركا بعدها اشتغلت بروبگاندا شكاكية حتى تخلي من غزو العرق حررب مشروعة :)

لحد ما غزي العراق بحجة حيازة اسلحة الدمار الشامل :) ورا الحرب العراق أُسس كدولة هشة متزعزعة عايشة عالنفط اللي دينباك جزء جبير منه بكل الطرق الممكنة...

صدام حسين مجان خوش ادمي وسايكوباث وغبي بشكل ما بس مو هو اللي فرض علينا الحصار ولا هو جان عاجبه يجوع الناس!! اللي صار قرار اممي انه تفرض العقوبات الاقتصادية بسبب حرب الكويت ومجمل سبب الحرب لانو النفط العراقي دينباك من قبل الكويتيين بعمل شركات نفط امريكية شون لعبة حلوة هاي حبيبي :)

موضوع انه لو ميت بغير طريقة... مو هيج الحجي صدام ككيان مو مهم وانما الطريقة اللي تاسست بيها الدولة العراقية بعد سقوط صدام حسين دولة مبنية على محاصصة طائفية يترأسها المجادي اللي جانو ميسووولهم قندرة (الكاظمي اللي كلف برئاسة الوزراء مثلا هههههه واللي جان رئيس المخابرات ههههههه)

وجزء جبير منهم رجعو ومنهم جانو يقاتلون وية خميني ضد العراقيين امثال العامري والخزعلي وغيره من الكواويد.. جابتهم امريكا وخلتهم فيا عيني امريكا قوت صدام وانطته اسلحة ودعمته بحرب ايران استقوى صدام كعدته بحرب الكويت واخر شي طيرو صدام وجابولنا الدعوجية وربع المقاومة مال خميني

حاليا اللعبة شنو انه ايران ورا ماستقوت واسست قاعدة قوية بالمنطقة هسة دتستفز امريكا فيما يخص طيحان حظ العراق والنفوذ والتوسع بالمنطقة

في حين جان صدام ناعل دين دين ايران
فصدام يا عيني مجان خوش ادمي بس جان بوكته اكو دولة قوية واني كشخص نظرا لوضعيتنا الاقتصادية الداجة ونظرا لغياب القانون والتبعية العمياء والعمالة لايران ولعصابة خامنئي فاكيد اشوف الوضع بزمن صدام جان افضل من هسة وهذا لا يعني انه هو الخيار الافضل :)

فالموضوع وما بيه انه دتصير مقارنات موضوعية فيما يخص وضع العراق قبل وهسة وهالشي وارد ومهم وصحي يا اخوان.. ماكو داعي لهالتراشق :)