Read on Twitter
اي زول عاش واتربى في السعودية عندو ماضي وطفولة يحسد عليها الصراحة ، حعمل ثريد جديد ارجع فيو اغلب ال memories
دي الشنطة كانت بتتوزع في رحلات الخطوط السعودية الشي الوحيد المتزكرو في الشنطة دي لعبة التركيب و وربطة العيون وطبعاً بعد ما وصلنا بسلام حولت الشنطة لمخزن شرايط سوني ون.
دي الشنطة كانت بتتوزع في رحلات الخطوط السعودية الشي الوحيد المتزكرو في الشنطة دي لعبة التركيب و وربطة العيون وطبعاً بعد ما وصلنا بسلام حولت الشنطة لمخزن شرايط سوني ون.
شارع غبيرا العام في الرياض وباب شريف في جده ملتقى الجالية السودانية من كترة السودانيين ومحلات التياب هناك بتحس انك في سعاد قشرة.
احلى شي في دكاكين السعودية المفرحات كانت متروسة اشكال والوان ، وبتزكر لمن كانو بختو قروش في بسكويت ابو ولد ، كنت بمشي اشتري خمسة كراتين بخمسة ريال عشان افتش القروش وفي النهاية بلقى ريال واحد وبكون مبسوط.
ايام المدرسة وزينة الفصول كان في تنافس كبير بين كل فصل والطلاب كانوا بيدقوا شير عشان يشتروا زينة السقف وتجليد للطاولات ، وصف المقصف كان اصعب من صف العيش.
نجي للزقرت حقين الجريات دي طبعاً الادوات المستخدمة في كل جرية النبيطة كانت على التكاسي و الليزر على الجيران من الشباك والمسدس والطراطيع اهم حاجة في كل عيد ترجع من صلاة العيد وتمشي الدكان تعبي جيوبك طراطيع واحلى حرب في الحارة واحتمال ٩٠٪ انك ترجع البيت وانت حارق ملابسك الجديدة.
المطااعم والطقه النضيفه ، والبوفية طبعاً اهم شي ، ٣ ريال كانت بتعزك شكشوكة جبن زيادة شطة بريالين وحمضيات ولا عصير ربيع بريال وانت كذا امورك واضحة.
وطبعاً في كل عيد الاقارب بيجتمعوا وبأجرو استراحة يوم واحد او ثلاثة ايام وفي الفترة دي انت بتكون عايش اجمل لحظات حياتك.
٩٩٪ من عيال الرياض وبنات الرياض السودانيين ماضيهم كان في الحدايق دي منتزه السلام وملاهي الخيمة في الاغلب كنا بنمشيها في الاعياد بس ، والمتحف وحديقة الفوطة كل نهاية اسبوع بنكون صابينها هناك واحلى ديت ورا ملاعب الفوطة
.
.
طبعاً قبل كل عيد بتلقى الاسواق دي فل سوق الشعلة وطيبة في الرياض والبوادي والشاطئ في جده ، وفي كل سنة بتكون في موضه طالعة بتزكر في عيد ٢٠١٢ السعودية كلها كانت لابسة طقم سبونج بوب ، و٢٠١٣ طقم جون سينا وتعليقة شوجي على البلاك بيري
وفي النهاية واهم شي تمارين الكورة في الحواري والمرمى بيكون عبارة عن احجار او زنانيب (سفنجات) وأي سيارة تعدي لازم اللعب يتوقف وكل واحد يكون ثابت مكانو وما يتحرك لحدي ما السيارة تعدي ويكملو عادي.
المقطع دا اتصور في حارتنا ٢٠١٤
.المقطع دا اتصور في حارتنا ٢٠١٤
نسيت اقول انو شاركنا الماضي دا مع السعوديين والمصريين والسوارية واليمنيين ..الخ ، في السعودية صاحبنا اغلب الجنسيات
