Read on Twitter
مين "آيقونة الثورة" كان موضوع نقاش الناس من فترة لي فترة و الناس ما ركزت مع الخلف الكواليس الكانوا بالنسبة لي من أسباب حبي لارض الاعتصام. حاولت اصور الناس الكنا بنصادفهم و ما بنركز في أهمية وجودهم. الثريد دا اهداء لكل الجنود المجهولين.
أصحاب العيون السهرت عشان ارض الاعتصام، و التعب الكانوا بعيشوه عشان يتأكدوا من سلامة و أمان الثوار، و الابتسامة البتبدأ بيها يومك لمن تخش الاعتصام.
ناس المتاريس، لكم جزيل الشكر.
ناس المتاريس، لكم جزيل الشكر.
الاعتصام سمح للناس تطلع مواهبها، و ووضح أهمية الفن و اثره على الناس. الجداريات و الرسائل الكانت معاها لفتت انتباه اجزاء من العالم لينا و أسرت قلوب ناس كتار. شكرا للفنانين و ألوانهم الأهدتنا مئات الرسائل.
اخواتنا، امهاتنا، زميلاتنا، كنداكاتنا. الكلمات ما بتكفي لكن انتو نصف الثورة، دا إذا ما اكتر. بداية ثورتنا كانت بزغاريدتكم، و دايما كانت جرعة الحماس لمن الوضع يبقى صعب. لأي واحدة فيكم ضحت بزمنها، خشت في مشاكل مع أهلها أو أقنعتهم، طلعت بالدس... لكم التحية و التقدير.
كان في ناس اخر الليل بتقعد مع الناس و بتتكلم وبتناقش مواضيع مختلفة: قضايا دارفور، معنى تكنوقراط، علاقات السودان الخارجية،.....
معلوماتكم وصبركم و طول بالكم و تعاملكم الراقي كان حاجة جميلة.
شاكرين و ممتنين لنشر الوعي المغيبين عنه.
معلوماتكم وصبركم و طول بالكم و تعاملكم الراقي كان حاجة جميلة.
شاكرين و ممتنين لنشر الوعي المغيبين عنه.
الليالي الطويلة مرت زي النسمة بوجودكم و طربكم. إذا في سبب الناس حبت الأغاني السودانية أو زاد حبهم ليها، حيكون انتو. شكرا ليكم و لإبداعاتكم و مواهبكم.
كل ما تخش اي واحدة من العيادات في اي وقت، دايما بتلقى في زول يساعدك. غير انهم قدموا علاجات للمصابين، و أدوية ضغط و سكري لناس محرومة، كانوا بتونسوا مع العيانين، و بنصحوهم و يوصوهم يرجعوا تاني عشان باقي الجرعات. للصيادلة و الأطباء و طلاب المجال الطبي... الجيش الأبيض، شكرا جزيلا.
الاعتصام ما كان حيحصل لو ما كان في ناس خاطرت، و ناس ضحت بروحها عشان نثبّت رجلنا في القيادة. اي واحد فيكم قعد الاعتصام كلو او ليلة واحدة، انتو عملتوا فرق. انتو كنتوا الأساس.
يا ثوار الليل، دمتم سالمين و دام لكم الشكر.
يا ثوار الليل، دمتم سالمين و دام لكم الشكر.
الاعتصام كان فيه كمية ضخمة من الناس و بالتالي كان في بقايا اكل و شراب و دا غير مشاكل الصرف الصحي الكانت حاصلة. لكن بمجهود الشباب و الشابات قدرنا نحافظ على المكان قدر الإمكان.
انحنت ظهوركم و ننحي لكم تقديرًا لعظيم جهدكم.
انحنت ظهوركم و ننحي لكم تقديرًا لعظيم جهدكم.
كلنا عارفين انو ستات الشاي من الأساسيات عند معظمنا كسودانيين، و وجودهم في ارض الاعتصام كان واحدة من الحاجات العملت فرق كبير. حببونا في ارض الاعتصام و خلونا نحس بنفس راحة القعدة في الأماكن العامة.
شكرا لي جَبنة الصباح و شاي المغرب و أنكم عاملتونا زي اولادكم.
شكرا لي جَبنة الصباح و شاي المغرب و أنكم عاملتونا زي اولادكم.
الهتافات كان بتتسمع في المواكب، و اي مكان في ارض الاعتصام، كلماتها و معانيها قوية و بتجي في جرح. للكتابين و الهاتفين: جرّت قلمكم و هزّت صوتكم كانت الدافع انو نواصل في السكة نمد...شكرا ليكم.
ارض الاعتصام بقت لينا بيت، و البيت اكتمل بامهاتنا، آباءنا، اخوتنا، و اخوانا القدموا لينا الأكل و الشراب، من السوق لصواني الفطور.
اكلنا زي ما بنأكل في بيوتنا و نسينا انو انتو تعبتوا فوق المعتاد عشان راحتنا.
تسلم ايديكم و ليكم الف سلام و تحية.
اكلنا زي ما بنأكل في بيوتنا و نسينا انو انتو تعبتوا فوق المعتاد عشان راحتنا.
تسلم ايديكم و ليكم الف سلام و تحية.
ناس اللافتات، الجزء الصامت لكن بنقل اقوى الرسالات و العبارات من خلال لافتاتهم، شكلوا جزء لا يتجزأ من ارض الاعتصام، بتلقاهم على طول اليوم و رسالاتهم بتترك فيك اثر لأيام بعدها. شكرًا لرسائلكم و عباراتكم، لم و لن ننساها.
بديتوا كإشارة تنبيه و بقيتوا نبض الثورة و روح الاعتصام. صباح و ليل حاضرين على مدى فترة الاعتصام. الزول بقى ما بنوم مرتاح الا بسماع صدى قلب الثورة. شكرا على ادخال صوت الحياة لينا.
و اللستة لسة طويلة و ديل انا كتبت عنهم من وجهي نظري و اعتذر إذا قصرت في حق ناس تانيين.
المجد و العلياء لشهدائنا.
النصر لثورتنا و ثوارنا.
التقدير و الاحترام للجنود المجهولين.
ربنا يرحم و يغفر للشهداء و يدخلهم فسيح جنانه و يصبر اهلهم و أحبتهم.
المجد و العلياء لشهدائنا.
النصر لثورتنا و ثوارنا.
التقدير و الاحترام للجنود المجهولين.
ربنا يرحم و يغفر للشهداء و يدخلهم فسيح جنانه و يصبر اهلهم و أحبتهم.
