Madekwe ro bvisa mulaedza malugana na hovhu vhuleme ho ri welaho fhano Afrika Tshipembe malugana na heḽi dwadze ḽihulwane ḽa coronavirus. Ndo amba nga uri ndi ḓuvha ḽa vhuraru mulovha ro vala shango heḽi ḽa hashu.

Ro imisa tshiṅwe na tshiṅwe nga nnḓa ha izwo zwe ra zwi vhala uri zwi nga bvela phanḓa. Hezwi ro zwi itiswa ngauri hu na dwadze heḽi ḽihulu ḽo welaho shango ḽoṱhe. A ḽi ngo wela shango ḽa hashu fhedzi ḽo wela na maṅwe mashango.

Muvhuso wa hashu u a ḓivha uri hovhu vhukando he ra vhu dzhia ha u vala Afrika Tshipembe zwi khou ḓisa vhuleme kha vhathu vhanzhi, vhuleme hovhu vhu khou konḓisa vhutshilo ha vhathu vha hashu.

Fhedzi hezwi zwa u vala tshiṅwe na tshiṅwe kha shango ḽa hashu zwo fanela uri zwi itee ngauri vhutshilo ha vhathu ndi hone hune ra fanela u vhu vhea phanḓa ha tshiṅwe na tshiṅwe.
Maṅwe mashango na one o ita zwenezwi zwa u vala tshiṅwe na tshiṅwe kha mashango a havho.

Na henefha kha mashango a Southern Africa heḽi ḽa hashu hu na maṅwe mashango o valaho. Ri tshi sedzisisa zwavhuḓi ri wana uri na maṅwe mashango a seli o ḓi ita zwezwo.

Hovhu vhulwadze vhu khou phaḓaladzea kha vhathu vhanzhi nahone hu fanela uri huvhe na zwine ra ḓo zwi ita uri vhu songo phaḓaladzea nga nḓila ine ya tshuwisa ya nga vhulaha vhathu vhanzhi.

Hu na havha vhathu vhane ra vha vhidza uri ndi dzi scientist ndi vhathu vho thanyaho nga maanḓa vho ri vhudza uri ro dzhia vhukando ho fanelaho ha u imisa tshiṅwe na tshiṅwe Afrika Tshipembe.

Vha ri arali ro vha ro ima vhege nthihi ho vha hu tshi ḓo vha na khombo khulwane nga maanḓa ngauri huvhu vhulwadze ho vha hu tshi ḓo fara vhathu vhanzhi ha itea khombo khulwane nga maanḓa.

Ndi takalela uri vhathu vha fhano Afrika Tshipembe ro ri u vala tshiṅwe na tshiṅwe vhunzhi ha vhathu vho mboḓi tevhela hezwi zwe muvhuso wa amba zwone. Ro ri vhathu kha vha dzule mahayani , vhunzhi ha vhathu vho dzula mahayani.

Ri takalela zwenezwi fhedzi hu na vhaṅwe vha sa khou tevhela hezwi zwe ra amba, vha khou bvela phanḓa na zwe vha ḓowela u zwi ita, zwino ho no lovha vhathu vhararu hu na vhathu vha 1 328 vho farwaho nga heḽi dwadze.

Hezwi zwi a ri vhavha nga maanḓa vhanzhi vha khou tevhela zwe ra zwi amba fhedzi havha vhane vha sa khou zwi tevhela vha khou ri vhaisa dzimbilu nga maanḓa ngauri vhone vha khou elekanya uri heḽi dwadze ḽi nga si vha fare and tshine ra khou tshi humbela,

tshine ra khou tshi ṱoḓa ndi uri vhathu vha dzule mahayani avho vha bve fhedzi arali vha tshi khou ya u renga zwiḽiwa, mishonga, vha tshi ya u dzhia mindende yavho vha tshi ya ha dokotela kana kiḽiniki arali vha tshi khou lwala.

Vhathu vho fanelaho uri vha bve dzinḓuni dzavho ndi havha vhathu vha khou shuma zwa vhutshilo dzi health workers, maswole, mapholisa na vhenevha vha dzi traffic na vhane vha shuma hune ha itwa zwiḽiwa, ndi vhone vhathu vhe ra vha tendela uri vha bvela phanḓa na mishumo yavho,

na avho vha ne vha ita mishumo yo khethiwaho yo ṅwalwaho kha regulations . Arali ra sa ita nga u ralo zwi nga itea uri hezwi muthu a tshi sokou tshimbila hoṱhe hoṱhe dwadze heḽi arali u naḽo ḽi nga kha ḓi dzhena kha vhaṅwe vhathu.

Ngauri ri songo vhuya ra elekanya uri heḽi dwadze ḽi nga si swike kha riṋe. Ḽi dzhena kha muṅwe na muṅwe arali u na tshelede na musi u si na tshelede kana u kana u murema u ya ḓi ḽi wana heḽi dwadze, kana u dzula dziḓoroboni kana u dzula mahayani ḽi a ḓi u swikela.

Ri songo lingedza uri ri elekanye uri heḽi dwadze ndi dwadze ḽa vhaṅwe vhathu riṋe ḽi nga swike kha riṋe.

Ho sala maḓuvha a 17 zwino ro vala South Africa yoṱhe, ndi maḓuvha anea ḓo ita vhuleme kha vhathu vha hashu ri a zwi ḓivha vhabebi vha ḓo vha vha tshi khou elekanya uri vhana vhavho vha ite mini kha maḓuvha aya, vha mabindu vha ḓo vha vha khou elekanya uri a vha khou ita

tshelede kha mabindu avho vhane vha shuma kha dzi factories na dzi maini hoṱhe hoṱhe na vhone ri a ḓivha uri zwi khou vha vhaisa ngauri vha khou elekanya uri a vha nga wani miholo yavho wo fhelelaho, vhathu vhahulwane vhane khamusi vha na miṅwaha yo yaho nṱha na vhone vha

khou tshuwa uri dwadze ḽi nga ḓi swika khavho, vhaṅwe ndi matshudeni a vha khou wana pfunzo dzine vha tea uri vha dzi wane, ri a zwi ḓivha uri vhathu vhanzhi vha khou vhona vhuleme nga maanḓa kha nḓila ine ra khou ri vha dzule fhasi vha songo ya huṅwe na huṅwe,

nahone kha hetshi tshifhinga nga uri ri khou ita zwithu zwe ra si zwi ḓowele, ndi lwa u thoma ri tshi ṱangana na vhuleme hovhu. Zwi a itea uri ri ita dziphoswo fhaḽaa na fhaḽa, fhedzi ri khou ri vhathu vha ri farele ngauri hezwi zwine ra vha khazwo a zwi athu itea shangoni

ḽa hashu ḽa Afrika Tshipembe.
Ri khou lingedza nga nḓila dzoṱhe uri vhuleme vhune vhathu vha vha naho vhu songo vha vhuleme vhuhulwane nga maanḓa. Nga maanḓa kha havha vha mabindu vhathu vha mabindu ri khou lindedza nga nḓila dzoṱhe uri ri vha wanele thuso.

Hu na vhaṅwe vhathu vhane vha sa vhe na haya havho, vhane vha sokou ḓidzhulela zwiṱiraṱani, ri khou ri na vhone ri ḓo vha wanela fhethu hune vha nga dzula hone. Hu na fhethu hunzhi hune hu si vhe na maḓi, ri khou lingedza uri ri swikise kha mivhundu ine i sa vhe na maḓi.

Ri khou dzhena kha tshiṅwe tshiga zwino, kha maḓuvha a tevhelaho. Ri khou ṱoḓa uri vhathu vhanzhi vha fhano Afrika Tshipembe vha ṱoliwe, ri kone u ṱola uri naa vha na dwadze naa,

ri ḓo vha ri khou bvisa vhathu vha ṱoḓaho u swika kha 10 000 uri vha tshimbile Afrika Tshipembe ḽoṱhe vha tshi khou ṱola vhathu,