1. Ah suh me deh Spain enu, want a bus fi go 3z, suu me say ah me a go look a Jutc cause me deven inna the rush. While heading to the bus park me reach like tastees deh suh and see a coaster and hear the ducta say "half way tree cross road Dolla fifty"

2. Suh me say ah mek me look. Circle the bus and peep inside, it have people, a decent assortment of people but not full. Suh me step inside, AC blazing and all. Back seat empty and the single seat beside the door. Suh me a make my way to the back when me say no, caa bada

3. Suh me turn back and go sidung a the door. Likkle time pass and the driver start cuss the ducta fi come cause him ready, but ducta a look couple more people. Apparently them never did a get along from a taller time I guess.

4. Driver get ben now and jus rev out the bus and drive off lef the ducta

5. Suu the man drive off now and fly round terminus side then tek it pon the bypass. Ac still blazing but the door open. Suh him turn round a say "me general, lock dah door deh nuh"
From that moment I should have know, I was the Ducta now

6. Bus a drive steady still without the ducta, we reach bout village and somebody a come, surprisingly actually cause who takes a Dolla fifty bus fi come a village anyways, but yea them a come suh the driver "yow me general, collect dah fare deh"
Suh me say ah, my time to shine

7. Bus stop and me collect the fare and a bredrin a come on and ask "weh dah bus ya a go mad head?"
Suh me say "cross road half way tree" him say ah and jump on. Suh me look pon and say in my most ducterly voice "Dolla fifty enu mad head" him say ah.

8. Me fully engrossed in my roll as the ducta now enu, we reach out a Ace deh suh weh the new SOE checkpoint deh but nuh Soulja never did a work suu we breeze pass deh suh, ac stop beat now suu me look round and say "fly the window dem deh, ALLL WINDOWS"

9. LMAAAAOOOOOO, at this point me a dead inside wid laugh enu cause wtf bro, but the bus a gwaan same way, me still have me seat btw, me nuh gi weh that all now. When we reach ferry deh suh now the driver say collect the fare dem deh, business time now

10. Me get up well militant and say "ALL FARES DEH PLEASE"
Then proceeded to shout an assortment of phrases such as:
"SEND UP THAT FIMI"
"HOW MUCH OUT A THE GRAN"
"YU NAVE A BILLS MUMA ?"
"PON THE BACK"
"PUT DEM TOGETHER"
"DOLLA FIFTY FI THE FAREEEE"

11. Sidenote, I have a 1 in maths, 2 in add math, A in Pre-Cal and A in Calculus and badman, me never do nuh maths suh hard inna me life yet, me brain a churn like cornmeal Inna pot a try check up all a the change and a get silver from the driver and a maths up everything

12. Oh btw, memba the madhead me pick up a village ? Man gimi bills dawg, man really gi me bills after me tell him a Dolla fifty, Suh me look pon the man and say "weh di fiflaaaa" man ago say "you did tell me say a Dolla fifty?"

But a weh the bloodclaat this pon me

13. Me look pon the man and say "madhead, from yu come pon the bus me tell yu say a Dolla fifty and yu really come gimi the dead bills, better yu come off a the bloodclaat bus enu badman cause a joke ting you deh pon"

Feel like me did too engrossed in character looking back

14. But the dawgist wicked and like dawg, wid him teif self bout him waa pay bills, me never get the fiflaa still but atleast me did present him wid a sizable amount a badness fi almost get it

15. Suh yea we reach duhaney park and let off couple people, tek up couple more, me get fi say "CROSSS ROAD HALF WAY TREE" couple time well and beat up the bus side fi let off and do road and me tell the shoolaz them "NO SCHOOLAZ" LOOOOL

16. Did end up pick up a next ducta still when we reach pon molynes road and me faithfully turn over the doctorly duties to him, however not before letting out another, "CROSS ROAD HALF WAY TREE" and a "COME IN NUU BABY, HALF WAY TREE" "MUMA YU NUH READY ? CROSS ROAD"

17. Me come off a the bus a 3z and go bout me business, hail up the driver and thing, hope him refer me to some other bus for my ductoring services, I feel like I did a good job and no me neva pay nuh fare, after me a duct bloodclaa bus, yu mad ?

Next week Thursday, come out and support a great musician !!!