Read on Twitter
أختي الله يحفظچ شيلي صورتچ أخاف عليچ من الذئاب البشرية، ترى مجرد نصيحة مابي شي منچ.
حبوبة لا تردين على الشباب بالمنشن يمكن، تستغربين وتقولين أنا شكو بس سبحان الله الله نزل محبتچ بقلبي.
خيتي آسف على التطفل بس مسحي آخر تويت كتبتيه لأن مو حلو لچ. وقسمًا بالله مابي منچ شي بس أبي لچ الخير.
والله أنا مو نوعي أدخل على بنات دايركت بس حبيت أسلوبچ وتغريداتچ ما شاء الله عليچ الله يحفظچ.
ما شاء الله لا إله إلا الله تبارك الله طلع البدر علينا جميلة الله يحفظچ ويخليچ لأهلچ.
أخيتي يا ليت ما تفهميني غلط بس كلمة حق لازم تنقال ومو لازم تردين علي بس يعني ما أدري شقول صراحة غير الله يحفظچ.
يالغالية ترى صورتچ فيها إيحاءات وأنا والله العظيم أدري مو قصدچ بس مو كل الناس نفس تفكيري.
والله إنتي بحسبة أختي وأعز، ولأن ما عندي خوات قاعد أشوف فيچ أخت عزيزة أتمنى ما تتضايقين من كلامي.
أدري إن دخلتي الدايركت غلط وما أقدر أقول هالكلام جدام الناس، بس حبيت أقول ما شاء الله عليچ ذوق.
عسى ما شر مختفية اليوم؟ عسى المانع خير نحاتيچ والله إن شاء تكونين بصحة وعافية طمنينا عنچ حتى لو بتويت يا الغالية.
أووووووووله أووووله من وين لچ كل هالجمال! آسف عالوقاحة بس ما قدرت أمسك نفسي سوي روحچ ما قريتي.
وايد ناس ما تقدر رقيچ وأسلوبچ وكل اللي قاعدة تقدمينه ما شاء الله عليچ، بس ما عليچ منهم استمري.
أنا أدري إن ما بيني وبينچ معرفة سابقة بس حلمت فيچ أمس ما أدري ليش قلت أقول لچ، إذا مهتمة ممكن أقولچ الحلم بالتفصيل.
إنتي بس قولي لي شنو خسرانة إذا رديتي علي؟ بس جاوبي على هالسؤال ووعد ما أدز لچ دايركت مرة ثانية.
قوة .. إنتي اليوم كنتي بكاريبو الصالحية العصاري؟ شبهت مع إن ما لچ شبيه.
آسف إذا ضايقتچ بكثرة الريتويتات، بس ما شاء الله عليچ مبدعة ومتميزة وأسلوب.
أنا عطيتچ من وقتي وايد وكل يوم أسأل عنچ وأتطمن وإنتي ولا معبرتني وتسولفين مع الكل عادي ولا مرة فكرتي تدزين دايركت تشوفين أحوالي شمسوي ميت حي بس أنا اللي أدز وأسأل! يا خسارة اهتمامي ووقتي فيچ والله بلوك.
صج إني مو مسوي لچ فولو و ما أرد عليج لما تمنشنيني بس أنا حاط عيني عليج من زمان ومعجب فيج وأقرا كل تغريداتج.
أدري مو من حقي أطلب سناپچ بس في قلبي كلام ودي أقوله وتويتر ما فيه ڤويس نوت، الود ودي أطلب رقمچ بس عيب خلينا على سناپچات على شان لا تفهميني غلط.
أدري إن ما لي كلمة عليچ بس والله نصيحة وأتمنى تتقبلينها، ملاحظ إنچ تسولفين مع فلان وايد وترى عليه وايد حچي الله يستر علينا وعليه وأنا قلت هالكلام لأن أدري إنچ بنت ناس ومتربية فعلى شان مصلحتچ حتى لو منشنچ حقريه. الناس ما عندها شغل وباچر يسولفون فيچ مثل ما سولفوا فيه.
حسيت من تغريداتچ إنچ خايفة من الكورونا بس حبيت أطمنچ الربع كلهم بوزارة الصحة ويقولون ماكو إلا العافية بس الناس تحب چذي تهول من الموضوع، وإذا عندچ أي استفسار طبي الدايركت موجود وربعي كلهم دكاترة أنا حاضر وبالخدمة لا يردچ إلا لسانچ.
أدري إنچ بنت ناس ومتربية بس مرات تسوين ريتويتات حق ناس معروف إنهم خمة، وأخاف تنفهمين غلط وتنحسبين عليهم وأنا أدري إنچ ما تعرفينهم مجرد معرفة تويتر. آسف عاللقافة بس شي لاحظته وحبيت أنبهچ الله يحفظچ ويخليچ لاميمتچ.
أنا من زمان ودي أدخل عليچ دايركت بس ما عندي سالفة وما حصلت فرصة. الله يخلي تويتر الي سوى ستوري وقدرت أكلمچ.