كلنا عندنا سمر في حياتنا ..
شوف الـ Thread

- فيلم 500 days of summer العبقري اللي بيتكلم عن الـ Toxic relationships بين بطلين الفيلم [ توم ] و [ سمر ] ، الفيلم كان تمثيل حقيقي للعلاقات بين نوعين من البشر ، نوع الطيب الساذج غير الناضج ، و نوع الانتهازي بتاع مصلحته

- البشر نوعين نوع بيعمل كل حاجة في مقدرته و بيدور علي سبب عشان يكمل معاك .. و نوع بتاع مصلحته انتهازي وقت ما ياخد منك اللي عايزه بيتلكك عشان يخاصمك و يبعد عنك ، النوعين دول لو وقعوا في علاقة واحدة مع بعض يعملوا أحلي علاقة Toxic

- في الفيلم كان توم بيدور علي واحدة يحبها ، لحد ما شاف سمر و حبها من النظرة الاولي ، بالرغم ان سمر كانت صريحة معاه في البداية انهم مجرد أصدقاء ، لكنها خلال الـ ٥٠٠ يوم في العلاقه اللي بينهم تصرفاتها مكنتش واضحة ، يعني كانت ساعات بتعامله كـ حبيبها و ساعات كـ أصحاب

- لحد ما توم لقاها اتجوزت واحد فجأة و عزمته علي عيد ميلادها عشان يعرف انها ارتبطت ، مع انها كانت ضد الارتباط ، كل ده بعد ما علقته بيها ، و لما قالها ، قالتله انها صحيت من النوم و لقت نفسها مش متأكدة من احساسها ناحيته

- الشخصية الانتهازية بتمر بـ ٣ مراحل في حياتها
—
١- مرحلة الطفولة : بيكون هادي جداً ، إنطوائي ، بيخاف يقرب من الناس
٢- مرحلة الشباب : يبدأ يختلط بالناس و يجمع صفات الاخرين و ياخد منهم اللي عايزه لحد ما يحس إنه قوي و يبدأ يتسلق فوقهم

٣- مرحلة ما بعد الشباب : بعد ما ياخد اللي عايزه من غيره ، يبدأ ينشر خيوطه علي الأشخاص اللي بيستفيد منهم ، فتلاقيه يسأل عليهم علي طول و يجبلهم هدايا أو يبادلهم شعورهم ناحيته خصوصاً لو كان الطرف التاني ساذج

- الانتهازيين هما الناس اللي بيحققوا مصالحم علي حساب مصالح غيرهم ، اللي بيتسلقوا غيرهم عشان يوصلوا للي عايزينه ، ناس معندهاش مبدأ ، مبدأهم بيتغير حسب مصلحتهم ، يقول الامام الشافعي [ سَلاَمٌ عَلَى الدُّنْيَـا إِذَا لَمْ يَكُنْ بِـهَا صَدِيقٌ صَدُوقٌ صَادِقُ الوَعْدِ مُنْصِـفَا ]

- الصداقه بتكون علاقة بيتجسد فيها الحب و المودة و انكار الذات ، و للأسف الصداقه هي أرض خصبة للإنتهازيين ، بعد ما كانت الصداقة عِشرة بين الأشخاص لحد الموت ، بقت مجرد مرحلة في حياة الإنسان، فترتها قصيرة لحد ما بقينا فترات في حياة بعض ، كل فترة بتختلف حسب المصلحة

- فالطرف التاني مش بـ يفرق بين الاستغلال و الإيثار ، فـ بيعتقد بـ حسن نية إن استغلال الطرف التاني له هو بسبب إنه بيحبه بزيادة ، فتلاقيه بيضحي و يقدم بعض التنازلات عشان يحافظ على العلاقة ، لكن في الحقيقة ده غباء و سذاجة منه ، و مش بيكتشف ده الا بعد ما يكون اتسحل في العلاقة

- أسوء حاجة ممكن الإنتهازي يعملها ، هو إنه يمارس إنتهازيته في علاقة حب أو إرتباط ، سمعت أكتر من موقف حصل و غالباً بتكون البنت بتخرج من علاقة فاشلة ، فتدور علي ولد تكلمه و تهتم بيه و تديله اشارات انها بتحبه و تخليه يتعلق بيها ، و بعد ما تستجمع قوتها تقوم سايباه للأسف و العكس طبعاً

- خصوصاً لما الإنتهازي يلاقي الشخص اللي قدامه غير ناضج أو مفضوح و باين عليه ..
- لو رجعنا للفيلم هنلاقي إن سمر كانت ملاحظه علي توم و باين عليه انه بيحبها من تصرفاته و افعاله ناحيتها ، و ده خلالها تستغله اكتر انها تعلقه بيها و تبادله ساعات نفس المشاعر لحد ما سابته

- ممكن في بعض الحالات النادرة ان انسان يعلق حد بيه بدون قصد ، لكن الفرق بين ده و الانتهازي .. ان الانتهازي بيبقي عارف و مكمل لحد ما يدمر الشخص التاني .. أما اللي بيعمل كدا بدون قصد اول ما يحس ان الطرف التاني اتعلق بدون ما يقصد .. بيقطع العلاقة و يبعد عشان ميعلقش التاني بيه أكتر

- لكن برضو ده ميمنعش ان الطرف التاني غلطان و يتحمل اللي حصله ، هو أه بيكون مش عارف ان دي علاقة Toxic الا بعد فترة عشان مشاعره بتكون عامياه حرفياً ، لكن اللي بيستفزني إن لما حد ينصحه ميكملش و يقوله ان ده بيستغلك ، و يكمل برضو ، في الفيلم صاحب توم حذره منها وقاله she is a bitch

- كلنا إنتهازيين لكن بدرجات ، و للأسف مفيش أي طريقه تحميك من الإنتهازيين الكُبار ، كلنا معرضين اننا نقابلهم ، خصوصاً في زمن المصالح اللي عايشين فيه ، مفيش طريقة تحميك ،ولكن في طريقة تخليك تعرف ازاي تتعامل معاهم و هي النضج

- بالنسبالي أهم علامتين من علامات النضج و اللي تخليك تقدر تتعامل مع الانتهازيين ، الأولي إنك تسيب مسافة بينك و بين غيرك مهما كان درجة قربه منك ، عشان طول ما فيه مسافة بينك و بين غيرك مش هتبني Expectations و حتي لو بنيت فـ قدامك مسافه عشان لما تصطتدم بالـ Reality

- تاني علامة من علامات النضج ، انك متخليش حد في اقرب مسافة ليك و تدخله حياتك و أنت متعرفش عنه حاجة ، او تعرف و متأكدتش ، يعني مروحش اصاحب حد عارفه من يومين و اقربه مني و انا معرفوش ، لازم تاخد وقتك لحد ما تعرف اللي قدامك كويس

- عندك سمر في حياتك ؟

- متنساش تعمل لايك لـ بيدج الفيسبوك : http://facebook.com/bluurr11/ 
- لو عندك أي Feedback إبعته هنا : http://curiouscat.me/Bluurr11 

- - - -
تقييمك للـ Thread ؟

People change , feelings change , it doesn’t mean that the love once shared wasn’t true and real .. it simply just means that sometimes when people grow , they grow apart

كل الناس بتكره سمر ماعدا انا بحبها

اللي بيكره سمر يعاركني

عشان تـ Move on من سمر https://twitter.com/bluurr11/status/1124327984368893952?s=21