شعرت باهتمام كبير لناس كتير بنماذج السفن اللي انا بعملها كهواية لها معايا تاريخ ليمتد ل ٣٥ سنة.
علشان كدة في الثريد دة هعرض بعض الصور اللي تبين التفاصيل شوية علشان المهتمين وتحت الهاشتاج
#من_هواياتي

دة نموذج سفينة اسمها HMS Victory من الأسطول الإنجليزي للورد نيلسون.
النموذج ما زال لم ينتهي واخد حوالي سنة للوصول للمرحلة دي
#من_هواياتي

النموذج بينفذ من رسومات تفصيلية في لوحات كبيرة ١٩ لوحة رسم التفصيلات اللي هعرض بعضها
#من_هواياتي

مستوي التنفيذ بيختلف من هاوي لآخر وارقي مستوي متعارف عليه باسم
Museum Quality Modelling
ودة اللي انا اخترته ودة بيضاعف حجم وزمن العمل مرتين
#من_هواياتي

المركب بيبدأ من تنفيذ الهيكل الأساسي

طبعا كل انواع الأخشاب المختارة بعناية من درجة جفاف الخشب لخلوه من اَي عقد وأنواع plywood جيدة جدا مهم جدا.
وأنواع الغراء والأدوات المستخدمة هامة جدا لانها نصف نجاح التنفيذ

طبعا تفصيلات المركب من الشبابيك والأبواب والمدافع من اصعب الأمور لكن جودة تنفيذها مهم جدا في الوصول بالنموذج لمستوي عالي

وبدون تعليق نتفرج علي شوية صور في دقايق اخدت شهور شغل وصبر مكنتش متخيل اني اكون صبور باستمتاع في تنفيذها كدة

بالمناسبة النمو ج بيتكون من ١٤٥٠٠ جزء ايوة الرقم صح!
ودي صور استعنت بيها من المركب الوحيد الباقي من أسطول HMS Victory في برمنجهام

يا رب الثريد يكون عجبكم
انشروه لاني شخصيا باتمني الناس تنمي في اولادها حب الهوايات دي لأهميتها في تنمية قدرات الانسان ذهنيا وصبر ودقة. وحتي الكبير لان عمر الأوان ما بيفوت لو عندك رغبة
ودة نموذج تاني عملته يمكن اعرضه بعدين في ثريد تاني

مضطر أزود جملتين
كم التشجيع وتواصلكم الجميل أخجلني وبكتشف منشنز ملحقتش ارد عليها ولو حصل بيبقي من غير قصد.
ربنا عالم دعمكم خرافي في تاثيره خلوني اشكر كل شخص ولو ملحقتش ارد اعذروني

بعض الصور الإضافية للمهتمين

نسيت أضيف كلام مهم
عندنا مهندسات ومهندسين وفنون جميلة بيعملوا ماكيتات بتفاصيل كويسة للمشروعات الإنشائية مش عارف ليه ما يوسعوش قدراتهم في اعمال زي كدة. ممكن عمل كوميونتي تهتم بالأعمال دي وتعمل معارض لكل الهوايات دي.

وطبعا الهواية بيصاحبها بعض الهوايات الجانبية زي البحث عن كل ما هو قديم ويتعلق بالمراكب من انتيكات ومعدات بحرية وميداليات وخلافه
هشاركم بعض الصور كل ما تيجي فرصة

هكمل العودة للشغل في المركب
HMS VICTORY
علي الثريد دة علشان لو حب حد يتابع

النهاردة تركيب الحبال لتثبيت ما يطلق عليه Bowsprit (غالبا بالعربي عامود البروة).

كدة النهاردة تم تركيب كل حبال تثبيت ال Bowsprit.
#MyFleet

عامود البروة بداية والنهاية
The Bowsprit from start to end
#MyFleet
#HMSVictory

اليوم بدا العمل علي استكمال صواري المركب
#HMSVictory
#MyFleet

من ضمن دواعي الاتقان ان لا تستسلم للزهق من التفاصيل وان تهتم ان فعلا كل شئ مطابق لما تم عمله في المركب الاصلي.
هنا مثلا كبر الصورة هتجد ان دي مش مجرد خيوط. دي خيوط مجدولة بشكل الحبال في زمنها (مشتراه من برة من محلات مخصوص الهوايات)
التفاصيل دي بتفرق كتير

اهم حاجة ارجو مكونش مزهقوم بالتفاصيل لانها كتير

النهاردة تم الانتهاء من التكوين الاساسي لعمدان الصواري (جمع صاري) وتركيب مبدئي في اماكنهم في بدن المركب

بعض صور للتفاصيل اللي هيكون صعب تصويرها بعد زحمة المراحل القادمة من تركيب كافة الحبال
المشوار لسة طويييييل

عودة لصواري المركب
تركيب اكسسوارات وبكر الحبال علي الصاري
الولاعة علشان نقدر نعرف الحجم هالطبيعة

النهاردة استكمال تفاصيل رفيعة كتير جدا زي بكر الحبال للتجهيز لشد الحبال
وقت كتير هيضيع في تفاصيل احد الامثلة في الصور زي حامل الحراب علي الصاري

عمدان الاشرعة حوالي ٣٠
علشان نتخيل كل عامود فيه شغل وبكر وتجهيزات قد ايه
فيديو قصير
#HMSVictoty
#MyFleet

#HMSVictory Ship Ankers

النهاردة مع الشغل في صواري المركب بدات في تصنيع قوارب النجاه

بعض التقدم لكن المشوار طويل للنهاية

اعمال اليوم

النهاردة انتهت التجهيزات الاساسية لصواري الاشرعة.
من بكرة انشاء الله هبدا في تثبيتهم والبدء في تركيبات كافة الحبال والبكر ودي مرحلة طويلة ومتشابكة جدا

وبالمناسبة حد طلب يعرف ورشة الهوايات شكلها ايه
دي صورة بانوراما وهي في قمة الدربكة. عادة انا منظم عن كدة فعلا

من الاشياء اللي واخدة وقت تجهيز كافة العمدان الخشب الخاصة بالاشرعة لانها مسلوبة من تخين لرفيع وعملها بشكل جيد بياخد وقت.
ومعاها بخلص مراكب الانقاذ

بعد انهاء بناء مراكب الانقاذ اللي فاضل فيها بعض التفاصيل زي المقاديف والدفة تم عمل تجربة السور المعدني من سلك حديد ونجحت
لاحظ عمل راس وخرم 0.8 مم في كل عامود من عمدان السور

تجربة السور الحديد احتاجت اكتر من تجربة لغاية ما لقيت الطريقة اللي تنفذ بيها. طبعا مهلكة للوقت والتركيز

بدء تركيب الاسوار في المركب

النهاردة انتهي عمل الاسوار الحديد المركب.
السور عبارة عن سلك حديد ١مم العمدان بيتم عمل راس لها وتخرم ليمر منها ضرابزين السور
طبعا الجزء دة سخيف في عمله وتخريمه لكن تم وخلص اخيرا

ومزيد من التفاصيل
اسوار ابراج الصواري

النهردة ببتدي في الجزء الصعب
شد الحبال

Progress

Starboard side lower fore mast rigging done
#HMSVictory
#MyFleet #من_هواياتي

النهاردة نتيجة عدم التركيز والمزاج المعكر اتسببت في كسر سخيف في احد اجزاء الشراع الامامي
طبعا بدات في الاصلاح وقررت مكملش شغل وانا مش مركز

قبل الكسر كنت علي وشك اكمال الشراع الامامي Fore Mast

بعض التطور النهاردة وبعد اصلاح الكسر اللي حصل امبارح
تركيب الحبال (الرزل) مستمر معانا فترة

اخر التطورات واجازة يومين ثم العودة الي تركيبات الحبال الصعبة حارقة الوقت

بعد استراحة طولت وقبل ما ارجع للشغل في المركب احب اوريكم هواية اخري موازية
محركات بخارية (بالبخار)
كل يومين هعرض عليكم حاجة من المجموعة الكبيرة اللي عندي
طبعا هنشوفها حاليا شغالة بهواء مضغوط بدل ضغط البخار
وكل محرك موديل وتصميم مختلف
وهعرضهم صور دون تعليق

Another 2 cylinder vertical steam engine

Another type of a steam engine model
The original is British and was used for electric power generation

My first and oldest marine steam engine I built

One other steam engine with an output direction gearbox

One cylinder steam engine

A steam Engine used to generate power

تجربة الغلاية Boiler لزوم تشغيل المحركات بالبخار

وتجربة وتجهيز غلاية اخري

اصغر وادق محرك ٤ سليندر بخاري والغلابة في مجموعتي

عمل قاعدة لمحرك صغير ووضع قبة زجاجية عليها

Bodmers sliding cylinder steam engine
محرك بودمير بسليندر منزلق

المحرك دة طلع عيني علشان يشتغل لاني مشتريه مدمر تماما لكن اخيرا طلعت قماش قمشمش والبلكونة علي شكل متوازي مستطيلات